title

So`ngi yangiliklar

10:22 / 2025-12-11 49

Umra xizmatlari bo‘yicha noqonuniy reklama tarqatgan turoperatorlar jazolandi

10:02 / 2025-12-11 45

Notariuslikka talabgorlar uchun o‘quv kurslarini tashkil etish tartibi tasdiqlandi

18:17 / 2025-12-10 81

Navoiyda qishloq xo‘jaligi xodimlari taqdirlandi

22:27 / 2025-12-09 165

Ayrim hududlarda davlat organlarida kadrlar rotatsiyasi tizimi joriy etiladi

15:44 / 2025-12-09 170

Andijon viloyati hokimiga yangi o‘rinbosarlar tayinlandi

13:44 / 2025-12-09 176

Humans ilovasida yuz bergan ruxsatsiz pul yechish holatlari bo‘yicha Markaziy bank rasmiy bayonot berdi

13:14 / 2025-12-09 127

Fuqarolar va tadbirkorlar uchun ijtimoiy nafaqa va sug‘urta tizimi yangi bosqichga ko‘tarildi

12:52 / 2025-12-09 130

“Tamakini emas, hayotni tanlang!” – "Toshkent-AERO" ixtisoslashtirilgan bojxona kompleksi

11:37 / 2023-03-28 1909 0 Siyosat

Baxtiyor Rahmonov yangi lavozimga tayinlandi

Vaqtincha poytaxt hokimi boʻlgan Baxtiyor Rahmonov yangi lavozimga tayinlandi. Bu haqda Toshkent shahar hokimi vazifasini bajaruvchi Shavkat Umurzakov tomonidan imzolangan qarorda maʼlum qilingan.

Qayd etilishicha, Baxtiyor Rahmonov Toshkent shahar hokimining qurilish, kommunikatsiyalarni rivojlantirish, ekologiya va koʻkalamzorlashtirish masalalari boʻyicha birinchi oʻrinbosari lavozimida ish boshladi.

Baxtiyor Rahmonov shu paytga qadar Toshkent shahar hokimi vazifasini bajaruvchi lavozimida faoliyat yuritib kelayotgan edi.

Joriy yilning 23-mart kuni Shavkat Umrzoqov Toshkent shahrining yangi hokimi sifatida ish boshlagani xabar qilingandi.

2018-yil aprelidan buyon Toshkent shahriga hokimlik qilib kelgan Ortiqxoʻjayev 2023-yilning ilk haftalarida shaharda elektr va tabiiy gaz taʼminoti bilan bogʻliq jiddiy muammo yuzaga kelishi ortidan 16-yanvar kuni ishdan boʻshatildi.

Shundan soʻng, shahar hokimining birinchi oʻrinbosari Baxtiyor Rahmonov Toshkent shahar hokimi vazifasini bajaruvchi etib tayinlangandi.

Baxtiyor Rahmonov — 1959-yilda Toshkent viloyatida tugʻilgan. 1981-yilda Kiyev muhandislik-qurilish institutini, 2000-yilda Oʻzbekiston prezidenti huzuridagi Davlat va jamiyat qurilishi akademiyasini tamomlagan.

U koʻp yillar davomida qator rahbarlik lavozimlarida faoliyat yuritgan. 2018-yildan Toshkent shahar Olmazor tumani hokimi lavozimida ishlagan.

2021-yil yanvaridan Toshkent shahar hokimining arxitektura, kapital qurilish va kommunikatsiyalarni rivojlantirish masalalari boʻyicha birinchi oʻrinbosari lavozimida ishlagan.