So`ngi yangiliklar
Quyosh, dengiz, tarix va hashamat. Antaliya dunyoga nimasi bilan mashhur?
Prezident taʼlim sifatini oshirish boʻyicha takliflar taqdimoti bilan tanishdi
Namangan shahar hokimi noqonuniy oʻrnatilgan radarlarni olib tashlashni soʻradi
“Kattalar”ning bosimida qolgan sud qarori
Futbol boʻyicha oʻn yetti yoshgacha boʻlgan oʻsmirlar oʻrtasidagi Osiyo kubogi oʻyinlari gʻoliblari va ishtirokchilarini mukofotlash toʻgʻrisida qaror chiqarildi
Suv xoʻjaligi yoki pul xoʻjaligi: Kattalarning vaʼdalari suvga qoʻshilib oqib ketdimi?
Rayhonning “Yaxshimasmi” qo‘shig‘ida she’rdan muallif ruxsatisiz foydalanilgani aniqlandi
Fermerlarga bosim ortmoqdami?
“Saratonni 99 foizgacha davolovchi preparat yaratilgani haqidagi xabarlar haqiqatga zid” — SSV
Ushbu preparat shu kungacha Oʻzbekistondagi bitta tibbiyot muassasasida faqat 3 nafar bemorda qoʻllanilgan
Ijtimoiy tarmoqlarda “Oʻzbek olimlari saratonni 99 foizgacha davolash imkonini beruvchi yangi preparat ishlab chiqdi” sarlavhali maqola eʼlon qilindi. Mazkur xabar yuzasidan Sogʻliqni saqlash vazirligi matbuot rasmiy munosabat bildirdi.
Tarmoqlarda tarqalgan xabarlarda 2022-yilning iyun oyida Oʻzbekistonda roʻyxatdan oʻtkazilib, ishlab chiqarishga tatbiq etilgan yangi radiofarmatsevtik vektorli terapiya vositasi haqida soʻz boradi.
Ushbu preparat tarkibi “lyutetsiy-177” radioizotopi va unga biriktirilgan prostata spetsifik membranali “antigen-617” oqsil moddasidan iborat ekani aytilgan.
Maʼlum boʻlishicha, bu dori vositasi radiofarmpreparat sifatida AQSH, Yevropa va Osiyo davlatlarida faqatgina prostata bezi va neyroendokrin oʻsmalar diagnostikasi va muolajasida qoʻllaniladi.
“Xorijiy tajribaga asoslangan holda shuni aytish mumkinki, ushbu vosita prostata bezi saratonining 4-bosqichida suyakda metastazlanish jarayonidagina ishlatiladi. Bu preparat vaqtinchalik vosita hisoblanadi va bemorlarning hayotini uzaytirishga imkoniyat yaratadi” , — deydi Respublika ixtisoslashtirilgan onkologiya va radiologiya ilmiy-amaliy tibbiyot markazi bosh shifokori, tibbiyot fanlari doktori Doniyor Nishonov
Taʼkidlanishicha, preparat shu kungacha Oʻzbekistondagi bitta tibbiyot muassasasida faqat 3 nafar bemorda qoʻllanilgan hamda mutaxassislar fikriga koʻra, xasta insonlarda oʻsma oʻchoqlari (metastazlar) va ularni bezovta qilayotgan ogʻriqlar sezilarli darajada kamaygan.
“Har qanday yangi dori vositasi amaliyotda foydalanilishidan toki samarasi tasdiqlanishiga qadar turli izlanishlar, oʻrganishlar olib borilishi va samaradorligi toʻgʻrisida tegishli xulosalar qilinishi uchun uzoq vaqt talab etiladi.
Afsuski, dunyoda barcha saraton kasalliklarini toʻliq davolay oladigan universal dori vositasi hozircha mavjud emas.
Shundan kelib chiqib, ommaviy axborot vositalaridan insonlar hayoti bilan bogʻliq bu kabi muhim yangiliklarni jamoatchilikka yetkazishda eʼtiborli boʻlishlarini soʻrab qolamiz”, — deyiladi xabarda.
