So`ngi yangiliklar
Storitelling va mutolaaning inson rivojidagi oʻrni...
Parlamentda Nukus voqealari bo‘yicha tuzilgan komissiya axboroti tinglandi
Navoiyga Mongoliyadan 1000 boshga yaqin Bayat zotiga mansub qo‘ylar olib kelindi
Faollar aytayotgan “iqtidor” egasi oddiy “Virtual valyutachi” boʻlgan...
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
Tojikistonning Konibodomida yana to‘rt kishining jasadlari topildi. Mahalliy aholi vahimada
Tahlil qilingan davlat xaridlarida «Davlat xaridlari to‘g‘risida»gi qonunning tegishli modda talablari buzilganlik holatlari aniqlandi
Ichki audit xizmati xodimlarining faoliyati samaradorligini baholash tartibi belgilandi
“Ukraina urushda Rossiyadan magʻlub boʻlsa, Polsha mojaroga qoʻshiladi” — Polsha elchisi
Elchining soʻzlari yuzasidan Polshaning Fransiyadagi elchixonasi tezkor bayonot berdi.
Agar Ukraina Rossiyaga bilan urushda magʻlub boʻlsa, Polsha mojaroga aralashishga majbur boʻladi, deydi Polshaning Fransiyadagi elchisi Yan Emerik Roshishevskiy LSI telekanaliga bergan intervyusida.
“Yoki Ukraina bugun oʻz mustaqilligini himoya qiladi, yo boʻlmasa, biz bu mojaroga aralashishga majbur boʻlamiz, chunki sivilizatsiyamizning asosi boʻlgan qadriyatlarimiz tahdid ostida, shuning uchun bizda tanlash imkoni paydo boʻladi”, — dedi Roshishevskiy.
Biroq, biroz vaqt oʻtib, Polshaning Fransiyadagi elchixonasi diplomat Roshishevskiyning bayonotini rad etdi. Ularning taʼkidlashicha, Polshaning mojaroga kirishi haqidagi soʻzlar kontekstdan “yulib” olingan.
“Elchi Ukraina ittifoqchilarining uni qoʻllab-quvvatlashi zarurligi haqida bahslashdi. Shuningdek, u Rossiyaning Yevropa va uning qadriyatlariga tahdid solayotgani haqida gapirdi.
Polshaning urushda bevosita ishtirok etishi haqida hech qanday soʻz aytilmadi, faqat urushning oqibatlari haqida ogohlantirildi”, — deyiladi elchixona bayonotida.
Qayd etish kerak, Polsha urush boshlanganidan beri Ukrainani qattiq qoʻllab-quvvatlab keladi. Bu mamlakat, xususan, birinchilardan boʻlib Ukraina Qurolli kuchlariga tanklarni, keyin esa jangovar samolyotlarni topshirishga rozi boʻldi.
Eslatib oʻtamiz, Polsha soʻnggi 50 yil ichida oʻz armiyasini qayta qurollantirish boʻyicha eng yirik kampaniyani boshladi.
