So`ngi yangiliklar
Storitelling va mutolaaning inson rivojidagi oʻrni...
Parlamentda Nukus voqealari bo‘yicha tuzilgan komissiya axboroti tinglandi
Navoiyga Mongoliyadan 1000 boshga yaqin Bayat zotiga mansub qo‘ylar olib kelindi
Faollar aytayotgan “iqtidor” egasi oddiy “Virtual valyutachi” boʻlgan...
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
Tojikistonning Konibodomida yana to‘rt kishining jasadlari topildi. Mahalliy aholi vahimada
Tahlil qilingan davlat xaridlarida «Davlat xaridlari to‘g‘risida»gi qonunning tegishli modda talablari buzilganlik holatlari aniqlandi
Ichki audit xizmati xodimlarining faoliyati samaradorligini baholash tartibi belgilandi
Chexiyada “Turkiston” milliy madaniy markazi tashkil etildi
Soʻnggi yillarda Oʻzbekiston-Chexiya munosabatlari sifat jihatidan yangi bosqichga koʻtarildi. Munosabatlarning ijobiy natijalari oʻlaroq tashabbuslar qoʻllab-quvvatlanmoqda.
Soʻnggi yillarda Oʻzbekiston-Chexiya munosabatlari sifat jihatidan yangi bosqichga koʻtarildi. Munosabatlarning ijobiy natijalari oʻlaroq tashabbuslar qoʻllab-quvvatlanmoqda.
Kosonsoylik yurtdoshimiz U.Bozorov tashabbusi bilan Chexiyaning Praga shahrida oʻzbekistonlik mehnat migrantlari uchun madaniy-maʼrifiy va sport tadbirlarini oʻtkazish, til oʻrgatish, qiynalgan migrantlarga har tomonlama yordam koʻrsatish maqsadida “Turkiston” milliy madaniy markazi tashkil etildi.
Kuni kecha boʻlib oʻtgan markazning ochilish marosimida Oʻzbekistonning Germaniyadagi elchisi Sarvar Kamilov, prezident qarori asosida tashkil etilgan “Vatandoshlar” jamoat fondining ijrochi direktori Odiljon Sattarov hamda Chexiyadagi vatandoshlar ishtirok etdilar.
Sarvar Kamilov oʻz soʻzida Oʻzbekistonda amalga oshirilayotgan keng koʻlamli islohotlar, Chexiyada ishlayotgan migrantlarni muhofazasi va viza olish tartibi toʻgʻrisida toʻxtalib oʻtdi. Shuningdek, elchi pasporti yoʻqolgan 4 nafar migrantlarga yangi xorijga chiqish pasportlarini topshirdi.
Madaniy markaz hamda “Vatandoshlar” jamoat fondi oʻrtasida “Turkiston” milliy madaniy markazi bilan hamkorlik qilish yuzasidan shartnoma imzolandi. Uchrashuv davomida markazga elchixonaning maxsus esdalik sovgʻalari topshirildi.
“Mavjud imkoniyatlardan kelib chiqib, Chexiyada faoliyat yuritayotgan yurtoshlarimizni har tomonlama qoʻllab-quvvatlashni maqsad qilganmiz”, - deydi markaz rahbari Bozorov.
Maʼlumot uchun, bugungi kunda markaz faoliyati Telegram ijtimoiy tarmogʻidagi “Kulturni centrum narodu uzbekistanu “Turkistan”” va Facebookdagi “Turkistan – kulturni centrum narodu Uzbekistanu” sahifalarida yoritib borilmoqda.
