So`ngi yangiliklar
Rishtonda yosh o‘quvchi kollejda zo‘ravonlar tomonidan kaltaklandi
Istanbul 18–21 sentyabrda Bosfor Kubogi 2025 qayiqlar poygasiga mezbonlik qiladi
Hamyurtimiz “Yuksak ehtirom” xalqaro esdalik ko‘krak nishoni bilan taqdirlandi
Farg‘ona dehqon bozoridagi narx-navo xalq uchunmi yoki…
Sentyabrdan boshlab migrantlar ilova orqali kuzatiladi
Kasb va xorijiy tillarga oʻqitish uchun vaucher berish tartibi belgilandi
Kasb va xorijiy tillarga oʻqitish uchun vaucher berish tartibi belgilandi
Fargʻonada uy bogʻchasida 43 nafar bolaga noqonuniy diniy saboq berib kelingani aniqlandi
Oʻzbekiston Eronning SHHTga aʼzo boʻlish majburiyatlari toʻgʻrisidagi memorandumni tasdiqladi
SHHT tartiblariga muvofiq, memorandum tashkilotga aʼzo davlatlar tomonidan ham tasdiqlanishi kerak.
Oʻzbekiston Prezidenti Shavkat Mirziyoyev Eronning Shanxay hamkorlik tashkilotiga (SHHT) aʼzo davlat maqomini olish majburiyatini toʻgʻrisidagi memorandumni tasdiqladi. Bu haqda Prezidentning qarorida maʼlum qilingan.
“Eron Islom Respublikasining Shanxay hamkorlik tashkilotiga aʼzo davlat maqomini olish boʻyicha majburiyatlari toʻgʻrisidagi memorandum tasdiqlansin”, — deyiladi Lex.uz qonunchilik milliy maʼlumotlar bazasi saytida eʼlon qilingan qaror matnida.
Mirziyoyev mamlakat Tashqi ishlar vazirligiga mazkur memorandumning kuchga kirishi uchun zarur boʻlgan davlat ichki tartib-qoidalarining Oʻzbekiston tomonidan bajarilishi toʻgʻrisida SHHT kotibiyatiga bildirishnoma yuborishni topshirdi.
2022-yil 15-sentyabrda Eron tomoni Samarqandda SHHTga aʼzo davlat maqomini olish boʻyicha majburiyat memorandumini imzoladi, 27-noyabrda esa milliy parlament Eronning tashkilotga kirishi toʻgʻrisidagi qonun loyihasini qabul qildi.
Majburiyat memorandumi toʻgʻrisidagi qonun loyihasi 2023-yil 25-yanvarda qabul qilingan. SHHT tartiblariga muvofiq, memorandum tashkilotga aʼzo davlatlar tomonidan ham tasdiqlanishi kerak.
Maʼlumot oʻrnida, SHHT — 2001-yilda tashkil etilgan xalqaro tashkilotdir. Unda Hindiston, Qozogʻiston, Xitoy, Qirgʻiziston, Rossiya, Tojikiston, Pokiston va Oʻzbekiston ishtirok etadi.
Kuzatuvchi davlatlar – Afgʻoniston, Belarus, Eron va Moʻgʻuliston, hamkor davlatlar – Ozarbayjon, Armaniston, Kambodja, Nepal, Turkiya va Shri-Lanka.
