So`ngi yangiliklar
Quyosh, dengiz, tarix va hashamat. Antaliya dunyoga nimasi bilan mashhur?
Prezident taʼlim sifatini oshirish boʻyicha takliflar taqdimoti bilan tanishdi
Namangan shahar hokimi noqonuniy oʻrnatilgan radarlarni olib tashlashni soʻradi
“Kattalar”ning bosimida qolgan sud qarori
Futbol boʻyicha oʻn yetti yoshgacha boʻlgan oʻsmirlar oʻrtasidagi Osiyo kubogi oʻyinlari gʻoliblari va ishtirokchilarini mukofotlash toʻgʻrisida qaror chiqarildi
Suv xoʻjaligi yoki pul xoʻjaligi: Kattalarning vaʼdalari suvga qoʻshilib oqib ketdimi?
Rayhonning “Yaxshimasmi” qo‘shig‘ida she’rdan muallif ruxsatisiz foydalanilgani aniqlandi
Fermerlarga bosim ortmoqdami?
Gruziyada norozichilik namoyishi davom etmoqda
Bir kun avval parlament binosi oldida xorijiy agentlar haqidagi qonunga qarshi norozilik mitingi boʻlib oʻtgan edi.
Xorijiy agentlar toʻgʻrisidagi qonun loyihasiga qarshilar yana Tbilisining markaziy Rustaveli xiyobonida toʻplanishmoqda, dedi muxolifatdagi “Birlashgan milliy harakat” partiyasi aʼzosi Akaki Minashvili.
“Faollar, Gruziya fuqarolari turli joylardan parlament tomon harakatlanmoqda. Bugun soat 19:00 (Moskva vaqti bilan 20:00)da boʻlib oʻtadigan keng koʻlamli aksiyaga turli kasb va idoralar vakillari qoʻshiladi”, — dedi u.
Bir kun avval parlament binosi oldida xorijiy agentlar haqidagi qonunga qarshi norozilik mitingi boʻlib oʻtgan edi. Politsiya namoyishchilarga qarshi koʻzdan yosh oqizuvchi gaz va suv purkagichdan foydalanishga majbur boʻldi. Keyinroq prezident Salome Zurabishvili videomurojaat qilib, namoyishchilarni qoʻllab-quvvatlab, veto qoʻyishga vaʼda berdi.
Seshanba kuni kechqurun mamlakat parlamenti muxolifatning noroziligiga qaramay, birinchi oʻqishda koʻpchilik ovoz bilan xorijiy agentlar toʻgʻrisidagi qonun loyihasini qabul qildi.
Gruziya parlamentiga taqdim etilgan “Xorijiy taʼsirning ochiqligi toʻgʻrisida”gi qonun loyihasida mamlakatda nodavlat notijorat tashkilotlari, ommaviy axborot vositalari va xorijiy davlatdan mablagʻ oluvchi subyektlar reestrini yaratish taklif qilinmoqda.
Parlamentda koʻpchilikni tashkil etuvchi hukmron “Gruziya orzusi” partiyasi vakillari yangi qonun loyihasini qoʻllab-quvvatlash niyati borligini maʼlum qildi va agar prezident Salome Zurabishvili veto qoʻysa, deputatlar uni yengib oʻtishga harakat qiladi. Muxolifatchilarga koʻra, ehtimoliy yangilik mamlakatni Yevropa Ittifoqidan uzoqlashtiradi.
