So`ngi yangiliklar
Oltinning narxi tarixiy rekord darajaga oshdi
Markaziy Osiyolik migrantlar Rossiya oʻrniga Xitoy, Koreya va Yevropani tanlamoqda. Sababi nimada?
Putin Ukraina bilan toʻgʻridan toʻgʻri muzokaralarni taklif qildi: Kiyev qanday javob qaytaradi?
Nizomiy nomidagi Toshkent davlat pedagogika universiteti endilikda O‘zbekiston milliy pedagogika universiteti deb nomlanadi
Quyosh, dengiz, tarix va hashamat. Antaliya dunyoga nimasi bilan mashhur?
Prezident taʼlim sifatini oshirish boʻyicha takliflar taqdimoti bilan tanishdi
Namangan shahar hokimi noqonuniy oʻrnatilgan radarlarni olib tashlashni soʻradi
“Kattalar”ning bosimida qolgan sud qarori
Akmaljon Mahmudaliyev salafanda jon saqlayotgan andijonlik oilaga amaliy yordam koʻrsatdi
Sirdaryo viloyati hokimligi masʼullari tomonidan Effect.uz orqali yoritilgan andijonlik oilaning murojaati oʻrganildi.
Aniqlanishicha, Boyovut tumanidagi dala maydonida oila aʼzolari bilan yashab kelayotgan Salohiddin Dehqonov ijtimoiy tarmoq orqali videomurojaat qilib, hech kim murojaatini eshitmayotganini, masʼullar umuman holidan xabar olmasligini maʼlum qilgan.
Viloyat hokimi vazifasini bajaruvchi Akmaljon Mahmudaliyev mazkur oilaning yashash sharoitini oʻrgangan. Salohiddin Dehqonov turmush oʻrtogʻi va ikki nafar voyaga yetmagan farzandi bilan 2021-yilning fevral oyida dehqonchilik bilan shugʻullanish maqsadida Andijondan Sirdaryo viloyatiga kelgan.
S.Dehqonovga tuman hokimi qarori bilan bogʻdorchilik va sabzavot bilan shugʻullanishi uchun 7,4 gektar yer maydoni ajratib berilgan. Ammo berilgan yerdan maqsadsiz foydalanilgan.
Oila bir muddat “Yangiobod” mahallasidagi xonadonlardan birida ijarada yashagan. Ayni kunda esa dehqonchilik uchun ajratilgan yer maydonidagi chaylada istiqomat qilib kelgan.
Oilaning turmush sharoiti mahalla raisi va hokim yordamchisi tomonidan bir necha bor oʻrganilgan. Unda yashash uchun ijaraga uy, voyaga yetmagan farzandlarini imtiyozli ravishda maktabgacha taʼlim muassasasiga joylashga koʻmaklashish taklifi berilgan. Lekin S.Dehqonov bu yordamlarni rad etib, bepul uy berilishi kerakligini talab qilgan.
Shu kunga qadar masʼullar koʻmagida ikki nafar farzandiga nafaqa tayinlangan, chorvachilik yoʻnalishida 30 million soʻm imtiyozli kredit ajratib berilgan. Shuningdek, savdo doʻkonidagi mavjud qarzlari homiylar tomonidan toʻlab berilgan.
Shunga qaramasdan, qaramogʻida 2 nafar voyaga yetmagan bolalari borligi va havo-haroratining pasayganligini inobatga olinib, oila bugunning oʻzida vaqtinchalik, yetarli shart-sharoitga ega boʻlgan bepul uyga koʻchirilgan. Bundan tashqari dehqonchilik mavsumi boshlangunga qadar daromad topib, roʻzgʻor yuritishi uchun S.Dehqonov ish bilan taʼminlangan.
