So`ngi yangiliklar
O‘zbekistonda biznes muhiti ijobiy tendensiyalarni namoyon qilmoqda
Yoshlar uchun yagona elektron platforma yaratiladi
Rishtonda yosh o‘quvchi kollejda zo‘ravonlar tomonidan kaltaklandi
Istanbul 18–21 sentyabrda Bosfor Kubogi 2025 qayiqlar poygasiga mezbonlik qiladi
Hamyurtimiz “Yuksak ehtirom” xalqaro esdalik ko‘krak nishoni bilan taqdirlandi
Farg‘ona dehqon bozoridagi narx-navo xalq uchunmi yoki…
Sentyabrdan boshlab migrantlar ilova orqali kuzatiladi
Kasb va xorijiy tillarga oʻqitish uchun vaucher berish tartibi belgilandi
Qoraqalpogʻistonda bir nechta mansabdor shaxslarga nisbatan jinoyat ishi ochildi
Toʻrtkul tumanida sodir boʻlgan suv toshqinlari ortidan jiddiy tekshiruv oʻtkazildi, natijada...
Joriy yilning 24-fevral kuni Toʻrtkoʻl tumani “Kaltaminor” ovul fuqarolar yigʻinida sodir boʻlgan suv toshqini hodisasi boʻyicha Qoraqalpogʻiston Respublikasi prokuraturasi rasmiy maʼlumot berdi.
Unda qayd etilishicha, mazkur ovul fuqarolar yigʻini hududidan oʻtuvchi “Kaltaminor-1” kanalining oʻng qirgʻogʻida suvning koʻtarilishi hisobiga kengligi 5 m, chuqurligi 1,78 m boʻlgan suv toshib chiqish hodisasi sodir boʻlgan.
Toshqin natijasida shu hududda yashovchi 7 nafar fuqaroning yashash uyi va yordamchi xoʻjalik inshootlariga zarar yetkazilgan. Suv toshqini jarayonida jarohatlangan fuqarolar boʻlmagan.
Favqulodda vaziyatlar vazirligi tomonidan shu kuni soat 7 ga qadar suv toshqini bartaraf etilib, toʻplanib qolgan suvdan hovli, yer maydonlari tozalangan.
Hodisa joyiga Qoraqalpogʻiston Respublikasi Joʻqorgʻi Kengashi, Vazirlar Kengashi hamda respublika prokuraturasi masʼullari yetib borib, vaziyat joyida oʻrganildi.
Suv toshqini oqibatlarini bartaraf etish boʻyicha hududiy sektor rahbarlari hamda boshqa masʼullarga tegishli topshiriq berilgan.
Mazkur holat yuzasidan Toʻrtkoʻl tuman prokuraturasi tomonidan “Paxta Arna Nayman” irrigatsiya tarmoqlari boshqarmasi va Toʻrtkoʻl tuman Irrigatsiya boʻlimi mansabdor shaxslari hamda boshqalarga nisbatan jinoyat kodeksining 203, 207 va 229-moddalari bilan jinoyat ishi qoʻzgʻatilgan. Jinoyat ishi doirasida fuqarolarga yetkazilgan zararni aniqlash yuzasidan ekspertiza tayinlangan.
