So`ngi yangiliklar
Tarix va tabiat uygʻunlashgan shahar: Egey mintaqasining sirli xazinasi Didim haqida
Qoraqalpogʻistonda bir oilaning 3 nafar aʼzosi koʻlda choʻkib ketdi
Buxorocha "davleniya": Sudning mustaqilligi qayerda qoldi?
Ҳафта бошида баъзи жойларда чанг-тўзонлар кузатилади
Namanganda yuk mashinasi savdo doʻkoniga borib urildi
“Salimboyvachcha” Toshkentda koʻrinish berdi
Oʻzbekistonda tugʻilish kamayib, oʻlim holati koʻpaymoqda
Turkiyada oʻrmon yongʻinlari avj olmoqda
“Bu piar” — Lukashenko Baydenni qattiq tanqid qildi
Lukashenko AQSH prezidentini Minskka taklif qilgan edi, biroq Bayden kutilmaganda Kiyevga keldi. “Batka”ga aqshlik hamkasbining ushbu xatti-harakati yoqmagan.
Belarus prezidenti Aleksandr Lukashenko AQSH prezidenti Jo Baydenning Kiyevga tashrifi prezidentlik saylovi kampaniyasi oldidan qilingan piar ekanligini maʼlum qildi.
“Bu toʻtiqushlik. Bunday tashrif oʻtmishda qilib boʻlingan. Nima uchun? Prezidentlik saylovlari... Jo Bayden, bu saylov kampaniyasiga urush otida otlanmoqchi. Lekin bu ish bermaydi. Men buni yaxshi bilaman. Ofarin. U oʻtirdi, ketdi, Rossiyadan ruxsat soʻradi yoki Rossiyani ogohlantirdi, lekin shunga qaramay ketdi”, — dedi Lukashenko.
“Batka” Baydenning Ukrainaga tashrifi AQSH tomonidan urib tushirilgan Xitoy shari bilan bogʻliq hodisa bilan bir qatorda ekanligini taʼkidladi.
“Jo Baydenning Kiyevga tashrifi shu qatorda. Bunday kichik, nooʻrin qadam. Amerika Qoʻshma Shtatlarining asosiy raqibi Xitoydir. Amerikaliklar buni yashirishmayapti. Ular eng kichik detallarga ham pastkashlik qilgani achinarli. Ular bor eʼtiborlarini havo shariga qaratib, uni yoʻq qilishdi... Nima uchun? Saylovlar kelyapti, qahramonlik koʻrsatish kerak.
Lukashenkoning taʼkidlashicha, keyinchalik hamma odamlar bu Xitoyga nisbatan nodoʻstona qadam ekanini anglab yetgan.
“Xitoyliklar darhol uning fuqarolik shari ekanligini eʼlon qilishdi. Biz birgalikda uning nima ekanligini aniqlashimiz mumkin edi. Yoʻq, ular uni qatʼiyat bilan yoʻq qilishdi”, - dedi Lukashenko.
