So`ngi yangiliklar
Tarix va tabiat uygʻunlashgan shahar: Egey mintaqasining sirli xazinasi Didim haqida
Qoraqalpogʻistonda bir oilaning 3 nafar aʼzosi koʻlda choʻkib ketdi
Buxorocha "davleniya": Sudning mustaqilligi qayerda qoldi?
Ҳафта бошида баъзи жойларда чанг-тўзонлар кузатилади
Namanganda yuk mashinasi savdo doʻkoniga borib urildi
“Salimboyvachcha” Toshkentda koʻrinish berdi
Oʻzbekistonda tugʻilish kamayib, oʻlim holati koʻpaymoqda
Turkiyada oʻrmon yongʻinlari avj olmoqda
ISHID Turkiya va Suriyadagi zilzilalardan foydalanib qolishi mumkin
Zilzilalar fonida ISHID oʻz rejalarini amalga oshirish, qotillik, qasos olish hamda tartibsizlik va terrorizmni tarqatish uchun imkoniyat topishi mumkin.
Turkiya janubi va Suriya shimoli-gʻarbida sodir boʻlgan zilzilalar ushbu hududlarda ISHID terrorchilik guruhi jangarilarining faollashishiga olib kelishi mumkin, dedi Iordaniya armiyasining isteʼfodagi brigada generali Auda al-Shudeyfat RIA Novostiga.
“Zilzila Turkiya va Suriyaning keng hududlarida sodir boʻldi. Ushbu hodisalarni mavjud vositalar, ommaviy axborot vositalari, tahlillar va topilmalar orqali kuzatish bu hududlarda juda keng tarqalgan ISHID harakatlarini koʻrsatadi. Ular dunyo zilzila oqibatlari va urushlar bilan band boʻlganini hisobga olib, bemalol harakat qilmoqda”, — dedi al-Shudayfat.
Sobiq Iordaniya armiyasi aʼzosining fikricha, zilzilalar fonida ISHID oʻz rejalarini amalga oshirish, qotillik, qasos olish hamda tartibsizlik va terrorizmni tarqatish uchun imkoniyat topadi.
“Ixtisoslashgan lagerlarda oʻsgan ISHID jangarilarining oʻgʻillari tarqalishi, qochishi, zilzila oqibatida boshpanasiz qolgan odamlar orasiga yashirinishlari, ularning ehtiyojlari va sharoitlaridan foydalanish uchun qulay imkoniyat topishi mumkin”, — dedi al-Shudayfat.
Eslatib oʻtamiz, oʻtgan hafta Suriyaning Xoms viloyatida ISHID jangarilarining hujumi oqibatida 50 dan ortiq qoʻziqorin teruvchi halok boʻldi.
6-fevral kuni Turkiya janubi-sharqidagi Qahramanmarash viloyatida 7,7 va 7,6 magnitudali zilzilalar toʻqqiz soatlik interval bilan sodir boʻldi. Oxirgi maʼlumotlarga koʻra, 41 mingdan ortiq odam halok boʻlgan.
