Namanganda imtixondan oʻtolmagan talaba oʻzini yoqib yubordi

Ketma-ket yomon xabarlarni eshitgan talaba, oʻz joniga qasd qilishga qaror qilgan.

Namangan muhandislik qurilish instituti talabasi oraliq imtixondan oʻtolmaganidan soʻng, oʻzini yoqib yubordi. Bu haqda Bosh prokuratura matbuot kotibi Hayot Shamsutdinov Effect.uzʻga maʼlum qildi.

Maʼlum boʻlishicha, 2023-yil 10-fevral kuni soat Fargʻona viloyati, Beshariq tumani yashagan, Namangan muxandislik qurilish institutining 3-bosqich talabasi 20.04.2002-yilda tugʻilgan X.X. oliygohda 5 ta fandan oraliq imtixonlarni topshira olmaganligi sababli, qayta topshirishga qolib ketgan.

Guruh raxbari talabaning otasiga qoʻngʻiroq qilib, oʻgʻli yuqoridagi 5 ta fanlardan oraliq imtixonlarni topshira olmaganligi haqida ogohlantirgan.

Oʻz navbatda ota oʻgʻliga telefon orqali tanbeh bergan. Shundan soʻng, talaba X.X. otasini bergan tanbehiga zarda qilib, ruhiy tushkunlikka tushib, Yangiqoʻrgʻon tumani, “Nurafshon” MFY xududidagi dala-adirlik maydoniga oʻzi bilan birgalikda benzin yonilgʻisini olib kelib, oʻzini ustidan quyib, oʻzini yoqib, oʻz joniga suiqasd qilgan. X.X.ni yonib jaroxat olganligini koʻrib qolgan fuqarolar unga yordam koʻrsatib, shifoxonaga olib kelishgan.

Tibbiy maʼlumotga koʻra, X.X.ning badanida, alangadan tanasining 50% qismida chuqur kuyish jaroxatlari mavjudligi koʻrsatilgan. Shifkorlar tomonidan koʻrsatilgan tez-tibbiy muolajalarga qaramasdan u 13.02.2023-yil kuni shifoxonada vafot etgan.

13.02.2023-yilda Yangiqoʻrgʻon tuman prokuraturasi tomonidan holat yuzasidan JKning 103-moddasi 1-qismi bilan jinoyat ishi qoʻzgʻatilgan. Tergov harakatlari olib borilmoqda.

“Effect.uz”ни “Telegram”да кузатинг

“Effect.uz”ни “Facebook”да кузатинг

“Effect.uz”ни “YouTube”да кузатинг

Effect.uz'ни Инстаграмда кузатинг