So`ngi yangiliklar
Storitelling va mutolaaning inson rivojidagi oʻrni...
Parlamentda Nukus voqealari bo‘yicha tuzilgan komissiya axboroti tinglandi
Navoiyga Mongoliyadan 1000 boshga yaqin Bayat zotiga mansub qo‘ylar olib kelindi
Faollar aytayotgan “iqtidor” egasi oddiy “Virtual valyutachi” boʻlgan...
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
Tojikistonning Konibodomida yana to‘rt kishining jasadlari topildi. Mahalliy aholi vahimada
Tahlil qilingan davlat xaridlarida «Davlat xaridlari to‘g‘risida»gi qonunning tegishli modda talablari buzilganlik holatlari aniqlandi
Ichki audit xizmati xodimlarining faoliyati samaradorligini baholash tartibi belgilandi
“Turkiya qiyin damlarda chuzilgan yordam qoʻlini hech qachon unutmaydi” — Erdogʻan
Turkiya rahbari halokatli zilzilalar oqibatlarini bartaraf etishda Turkiyaga yordam berishga shoshilgan barcha davlatlarga minnatdorchilik bildirdi.
Turkiya qiyin damlarda choʻzilgan yordam qoʻlini hech qachon unutmaydi, dedi Prezident Rejep Toyyip Erdogʻan BAA tashabbusi bilan tashkil etilgan Jahon hukumati sammiti ishtirokchilariga yoʻllagan videomurojaatida.
Turkiya rahbari avvalroq sammitda shaxsan ishtirok etishni rejalashtirganini, ammo rejalar 6-fevral kuni sodir boʻlgan 7,7 va 7,6 balli zilzilalar munosabati bilan qayta koʻrib chiqilganini taʼkidladi.
“Katta miqyosdagi tabiiy ofatlar oqibatlarini Turkiyaning oʻn viloyatida 13,5 million kishi his qildi. Yer silkinishlari 500 km lik hududda sezilgan. Afsuski, katta vayronagarchilik yuz berdi. Olimlarning taʼkidlashicha, bu zarbalar 500 ta atom bombasi portlashiga teng energiya ajralib chiqdi”, - dedi siyosatchi.
Uning soʻzlariga koʻra, Turkiya nafaqat oʻz tarixidagi, balki insoniyat tarixidagi eng yirik tabiiy ofatlardan biriga duch keldi.
Erdogʻan, epitsentri Turkiyaning Qahramanmaras shahrida boʻlgan vayronagarchilikli zilzilalar zonasida faoliyat olib borayotgan qidiruv-qutqaruv guruhlari oʻtgan toʻqqiz kun ichida 8 mingdan ortiq odamni vayronalar ostidan qutqarilganini aytdi.
“Afsuski, qulagan minglab uylar vayronalari tozalanishi bilan qurbonlar soni ham ortib bormoqda. Zilziladan jabr koʻrgan 81 mingdan ortiq Turkiya fuqarosining baʼzilari shifoxonalardan chiqarildi. Qidiruv-qutqaruv guruhlari vayronalar ostidan 8 mingdan ortiq odamni qutqarib oldi”, — dedi Erdogʻan.
Siyosatchi xalq qoʻllab-quvvatlashi tufayli mamlakat ushbu ofat oqibatlarini qisqa vaqt ichida bartaraf etishiga ishonch bildirdi.
Turkiya rahbari halokatli zilzilalar oqibatlarini bartaraf etishda Turkiyaga yordam berishga shoshilgan barcha davlatlarga minnatdorchilik bildirdi.
Davlat rahbari dunyoning yuzdan ortiq davlati, jumladan sammitga mezbonlik qilgan Birlashgan Arab Amirliklari Turkiyani qoʻllab-quvvatlovchi bayonotlar berganini eslatdi.
“Baʼzi davlatlar qutqaruvchilarni Turkiyaga yubordi, baʼzilari yordam yigʻish kampaniyalarini boshlab, birdamlik koʻrsatdi. Ayrim davlatlar Anqarani qoʻllab-quvvatlaganliklarini bildirishdi. Bu falokat [oʻchogʻi Turkiyada boʻlgan zilzila] xalqaro birdamlikning muhimligini yana bir bor isbotladi”, — dedi Prezident.
