So`ngi yangiliklar
Storitelling va mutolaaning inson rivojidagi oʻrni...
Parlamentda Nukus voqealari bo‘yicha tuzilgan komissiya axboroti tinglandi
Navoiyga Mongoliyadan 1000 boshga yaqin Bayat zotiga mansub qo‘ylar olib kelindi
Faollar aytayotgan “iqtidor” egasi oddiy “Virtual valyutachi” boʻlgan...
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
Tojikistonning Konibodomida yana to‘rt kishining jasadlari topildi. Mahalliy aholi vahimada
Tahlil qilingan davlat xaridlarida «Davlat xaridlari to‘g‘risida»gi qonunning tegishli modda talablari buzilganlik holatlari aniqlandi
Ichki audit xizmati xodimlarining faoliyati samaradorligini baholash tartibi belgilandi
Prezident topshirigʻi: “Tashkent Indeks” Turkiyaga yuboriladigan insonparvarlik yordami koʻrinishadagi mahsulotlar yigʻiladigan asosiy baza boʻladi
Prezident Shavkat Mirziyoyev 9-fevral kuni Turkiyaning Oʻzbekistondagi elchixonasiga tashrif buyurib, qardosh turk xalqiga chuqur hamdardlik bildirdi. Prezident bilan uchrashgan turk elchisi Olgan Bekar hozirda zilziladan aziyat chekkan Turkiyaga koʻmak zarurligini aytgan.
Shavkat Mirziyoyevning topshirigʻiga koʻra, zilzila sodir boʻlgan kunning oʻzida Oʻzbekistondan 100 dan ortiq maxsus qutqaruvchilar Turkiyaga yuborilgan. Undan tashqari, insonparvarlik yordamlari ham qardosh mamlakat chegarasini kesib oʻtgan.
Koʻplab yurtdoshlarimiz turk xalqiga insonparvarlik yordami yuborishni istayotgani ammo yuklarni joʻnatishda qiyinchiliklarga uchrayotgani haqida ijtimoiy tarmoqlar orqali oʻz munosabatlarini bildirgan.
Turkiya elchixonasi mamlakatimizda yigʻilayotgan bu yuklarni jamlash va tegishli manzillarga yetkazish boʻyicha yetarli darajada imkoniyati mavjud emasligi yuzasidan Prezidentimizga murojaat qilgan.
Prezident Shavkat Mirziyoyev yurtdoshlarimizga qulaylik yaratish maaqsadida Bosh vazir Abdulla Aripovga “Tashkent Indeks”da Turkiyaga yuboriladigan insonvarlik yordami koʻrinishadagi mahsulotlar yigʻiladigan asosiy baza yaratish boʻyicha topshiriq berdi.
Mazkur topshiriqqa asosan, bugun 11-fevral kuni Bosh vazir Turkiyaning mamlakatimizdagi elchisi Olgan Bekarni “Tashkent Indeks”ga taklif qilib, bu yer vaqtincha Turkiyaga insonparvarlik yordami koʻrinishida hayotiy zarur vosita va mahsulotlar jamlanadigan markazga aylantirilishini maʼlum qildi.
Asosiy baza boʻlishi kutilayotgan 16 ming kvadrat metrlik “Tashkent Indeks”da ayni paytda 21 ta angar bor. Bu angarlarga mahsulotlar turiga qarab jamlanadi.
“Hurmatli Prezidentimiz topshiriq berdilar, yurtdoshlarimiz turk xalqiga yordam berishni istashyapti va har xil joylarda markazlar tashkil etishyapti. Mahsulotlarni Turkiyaning talofat koʻrgan yeriga yetkazib berish juda qiyin masala. Buni juda yaxshi bilamiz u yerlarning atrofi oʻrab qoʻyiladi. Elchixona tomonidan ayni paytda turk birodarlarimizga zarur boʻlgan mahsulotlarning roʻyxati taqdim etilsa, bu roʻyxat xomiylarga beriladi. Mahsulotlarni Turkiyaga yetkazilishini ham chiroyli holatda oʻzimiz tashkil qilib beramiz”, dedi Bosh vazir.
Bunga javoban elchi haqiqattan shunday katta joyga ehtiyoj sezilganini aytib, hozirda bu ishlar katta masshtabda amalga oshirilayotgani uchun davlat rahbari Shavkat Mirziyoyev va oʻzbekistonliklarga Turkiya tomonining chuqur minnatdorchiligini yetkazdi.
Maʼlumot uchun: pul mablagʻlari koʻrinishida qardosh turk xalqiga yordam berishni istagan yurtdoshlarimiz Turkiya elchixonasi tomonidan Ziraat Bankʻning Toshkent filialida ochilgan maxsus hisob raqami orqali amalga oshirishlari mumkin.
