So`ngi yangiliklar
“Afsuski, ayrim “Ishonch telefonlari” nomiga tashkil qilingan yoki umuman ishlamaydi” – Akmal Burxonov
“Bosim oʻtkazilayotgani toʻgʻrisidagi xabarlar asossiz” – “Oʻzbektelekom” HUMANS ishi boʻyicha munosabat bildirdi
Oʻzbekistonning veterinariya sohasidagi tajribasi xalqaro miqyosda eʼtirof etildi
Turkiyada “Tungi muzeylar” loyihasi iyun oyida yangi mavsumini boshlaydi
Oʻzbekistonga C gepatitiga qarshi dorining joriy yildagi ilk partiyasi olib kelindi
Qibrayliklar oyoqqa turdi. Sababi nima?
5 ming yillik tarixga ega Birgi qishlogʻi haqida nimalar maʼlum?
Iznik: nasroniylikning tirik muzeyi
“Ular katta tovon toʻlaydilar” — Erdogʻan
Erdogʻan xavfsizlikka tahdid bahonasida bir qancha Gʻarb davlatlarining Istanbuldagi konsulliklarining vaqtincha yopilishini qoraladi.
Davlat rahbari diplomatik missiyalar yopiq qolishda davom etsa, Anqara tegishli javob choralarini koʻrishi haqida ogohlantirdi.
“Yaqinda Tashqi ishlar vazirligimiz ushbu davlatlarning elchilarini chaqirib, ularga ultimatum qoʻydi. Unda aytilishicha, agar bu davlatlar bunday xatti-harakatlarni davom ettirsa, ular katta tovon toʻlaydilar”, — dedi Erdogʻan Turkiya gʻarbidagi Aydin viloyatida yoshlar bilan uchrashuvda.
Uning soʻzlariga koʻra, Turkiya Vazirlar Mahkamasining dushanba kuni boʻlib oʻtadigan yigʻilishida mavjud vaziyat boʻyicha zarur qarorlar qabul qilinadi.
Avvalroq Turkiya tashqi ishlar vaziri Mevlut Chavushoʻgʻli bu davlatlarning harakatlari maqsadli ekanini aytgan edi.
Istanbuldagi bir qancha davlatlarning bosh konsulliklari ishi vaqtinchalik toʻxtatilishi fonida toʻqqiz davlatning elchilari Turkiya TIVga chaqirildi.
Prezident Erdogʻan, Ukrainadagi urush tufayli yuzaga kelgan global oziq-ovqat inqirozi tahdidi va Qora dengiz yoʻlagi boʻylab gʻalla xavfsiz tashish boʻyicha Turkiya vositachiligida tuzilgan kelishuvga ham toʻxtaldi.
“Biz Qora dengiz orqali donni qabul qilib, butun dunyoga tarqatamiz. Prezident Putin: “Keling, bu donni tekinga beraylik, siz esa uni unga aylantirib, qashshoq Afrika mamlakatlariga yuborasiz” degandi.
Biz rozi boʻldik va hozir buni qilamiz. Albatta, bu kimnidir xavotirga solmoqda. Lekin nima boʻlishidan qatʼiy nazar, biz toʻgʻri ish qilamiz”, — dedi Turkiya rahbari.
