So`ngi yangiliklar
Quyosh, dengiz, tarix va hashamat. Antaliya dunyoga nimasi bilan mashhur?
Prezident taʼlim sifatini oshirish boʻyicha takliflar taqdimoti bilan tanishdi
Namangan shahar hokimi noqonuniy oʻrnatilgan radarlarni olib tashlashni soʻradi
“Kattalar”ning bosimida qolgan sud qarori
Futbol boʻyicha oʻn yetti yoshgacha boʻlgan oʻsmirlar oʻrtasidagi Osiyo kubogi oʻyinlari gʻoliblari va ishtirokchilarini mukofotlash toʻgʻrisida qaror chiqarildi
Suv xoʻjaligi yoki pul xoʻjaligi: Kattalarning vaʼdalari suvga qoʻshilib oqib ketdimi?
Rayhonning “Yaxshimasmi” qo‘shig‘ida she’rdan muallif ruxsatisiz foydalanilgani aniqlandi
Fermerlarga bosim ortmoqdami?
“Korrupsiyaga qarshi kurashish siyosatiga zid harakat” – SSV vazirining soʻzlariga qarshi bayonot berildi
Amrullo Inoyatov Sogʻliqni saqlash tizimida 2023-yil “Korrupsiyaga qarshi kurashish yili” deb eʼlon qilgandi.
Ijtimoiy tarmoqlarda Sogʻliqni saqlash vaziri Amrullo Inoyatov shifokorlar bilan ochiqchasiga suhbatlashgani aks etgan video tarqaldi.
Unda Inoyatov shifokorlardan biriga bemorlarga mehr bilan qaralsa, rozi boʻlib “barakasi”ni berib ketishi haqida gapirgan. Sogʻliqni saqlash vazirining ushbu soʻzlari yuzasidan Korrupsiyaga qarshi kurashish agentligi Jamoatchilik kengashi bayonot berdi.
“Sogʻliqni saqlash tizimida korrupsiyani kamaytirish Sogʻliqni saqlash vazirligi, Korrupsiyaga qarshi kurashish agentligi, keng jamoatchilikning, xususan, Agentlik huzuridagi Jamoatchilik kengashining kun tartibidagi asosiy masalalardan biri boʻlib turibdi.
Jamoatchilik kengashi Sogʻliqni saqlash vazirligi rahbariyatining korrupsiyaning oldini olish boʻyicha boshlagan ishlarini qoʻllab-quvvatlaydi.
Shu bilan birga, shifokorlarni ragʻbatlantirish yoʻllaridan biri sifatida bemorlar bergan mablagʻning eʼtirof etilishini qonunchilikka va mamlakatda olib borilayotgan korrupsiyaga qarshi kurashish siyosatiga zid harakat sifatida qayd etadi.
Mazkur taklif tizimda korrupsiyaviy jinoyatlar sonining ortishiga hamda shifokor kasbi mavqeining pasayishiga, sogʻliqni saqlash tizimiga xalqning ishonchi kamayishiga sabab boʻladi.
Jamoatchilik kengashi shifokorlarni ragʻbatlantirishda bemorlardan pul olish singari (ixtiyoriy yoki ixtiyoriy emasligidan qatʼiy nazar) noqonuniy xatti-harakatlarni bartaraf etish hamda haq toʻlashning toifalangan mexanizmini joriy etish Sogʻliqni saqlash vazirligining asosiy maqsadi boʻlishi lozimligini bildiradi”, — deyiladi bayonotda.
Qayd etish joiz, Amrullo Inoyatov Sogʻliqni saqlash tizimini 2023-yil “Korrupsiyaga qarshi kurashish yili” deb eʼlon qilgandi.
.jpg)
