So`ngi yangiliklar
Storitelling va mutolaaning inson rivojidagi oʻrni...
Parlamentda Nukus voqealari bo‘yicha tuzilgan komissiya axboroti tinglandi
Navoiyga Mongoliyadan 1000 boshga yaqin Bayat zotiga mansub qo‘ylar olib kelindi
Faollar aytayotgan “iqtidor” egasi oddiy “Virtual valyutachi” boʻlgan...
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
Tojikistonning Konibodomida yana to‘rt kishining jasadlari topildi. Mahalliy aholi vahimada
Tahlil qilingan davlat xaridlarida «Davlat xaridlari to‘g‘risida»gi qonunning tegishli modda talablari buzilganlik holatlari aniqlandi
Ichki audit xizmati xodimlarining faoliyati samaradorligini baholash tartibi belgilandi
Italiyaning eng xavfli mafiozi 63 yoshida qoʻlga olindi
U Italiyadan qochib ketganidan soʻng, Fransiyadagi restoranlardan birida koʻp yillar davomida pissa tayyorlovchi oshpaz sifatida ishlab kelgan.
Italiyaning mafiyaga qarshi politsiyasi 16-yanvar kuni Sitsiliyaning Palermo shahridagi poliklinikasida superboss — Matteo Messina Denaroning shov-shuvli hibsga olinishidan ikki hafta oʻtib, yana bir mafiyachini qoʻlga oldi.
Bu safar politsiyachilar Fransiyaning Sent-Etyen shahrida koʻp yillar davomida pissa tayyorlovchi oshpaz sifatida ishlab kelayotgan 63 yoshli Saffe Rossinida (Edgardo Greko — haqiqiy ismi) qoʻlga oldi.
Kalabriyalik Ndrangxetaga aloqador Greko 1991-yilda aka-uka Stefano va Juzeppe Bartolomeolarni oʻldirib, ularning jasadlarini kislotada eritganlikda ayblangan. Unga nisbatan sud jarayoni boshlanganidan keyin, Greko huquq-tartibot idoralaridan qochgan.
Kalabriyadagi Katanzaro prokuraturasi rahbari sifatida tergovga rahbarlik qilgan mafiyaga qarshi prokuror Nikola Gratteri uni “xavfli qochqin” deb atadi.
Greko, shuningdek, bir nechta qamoqxona xodimlarini oʻldirishga urinishda aybdor deb topilib, unga “Qamoqxona qotili” laqabi berilgan.
Italiyaning mafiyaga qarshi politsiyasi toʻrtta yirik mafioz hamon yashiringanligini va bir nechta kichik shaxslar qochib ketayotganini aytdi.
Italiya hukumatining mafiyaga qarshi veb-saytida kuchli toʻrtlik roʻyxati keltirilgan.
Bular:
48 yoshli Pasquale Bonavota — 2018-yildan beri qochib yurgan va Kalabriya Ndrangxetasiga aloqador mafiya jinoyatlarida ayblangan.
64 yoshli Jovanni Motisi — Sitsiliya Koza Nostrasining aʼzosi, Sitsiliyada qotillik va mafiya bilan aloqadorlikda ayblangan 1998-yildan beri qochib yurgan.
Neapolitan Kamorradan 73 yoshli Renato Sinkegranella — qotillik, qurol saqlash va tovlamachilikda aybdor deb topilganidan keyin 2002-yildan beri qochqinlikda yuribdi.
75 yoshli Attilio Kubeddu esa 1997-yildan beri bir necha oʻgʻirlash ayblovlari bilan sudlangan va Italiyaning eng xavfli qochoqlaridan biri hisoblangan.
