title

So`ngi yangiliklar

10:22 / 2025-12-11 77

Umra xizmatlari bo‘yicha noqonuniy reklama tarqatgan turoperatorlar jazolandi

10:02 / 2025-12-11 66

Notariuslikka talabgorlar uchun o‘quv kurslarini tashkil etish tartibi tasdiqlandi

18:17 / 2025-12-10 100

Navoiyda qishloq xo‘jaligi xodimlari taqdirlandi

22:27 / 2025-12-09 186

Ayrim hududlarda davlat organlarida kadrlar rotatsiyasi tizimi joriy etiladi

15:44 / 2025-12-09 187

Andijon viloyati hokimiga yangi o‘rinbosarlar tayinlandi

13:44 / 2025-12-09 194

Humans ilovasida yuz bergan ruxsatsiz pul yechish holatlari bo‘yicha Markaziy bank rasmiy bayonot berdi

13:14 / 2025-12-09 146

Fuqarolar va tadbirkorlar uchun ijtimoiy nafaqa va sug‘urta tizimi yangi bosqichga ko‘tarildi

12:52 / 2025-12-09 148

“Tamakini emas, hayotni tanlang!” – "Toshkent-AERO" ixtisoslashtirilgan bojxona kompleksi

15:41 / 2023-02-04 414 0 Siyosat

Chet el fuqarolarini roʻyxatdan oʻtkazish tartibi soddalashtirildi

Oʻzbekiston Respublikasi hududida boʻlish qoidalarini buzgan yoki boshqa qoidabuzarliklarga yoʻl qoʻygan chet el fuqarolari va fuqaroligi boʻlmagan shaxslar ham joylashtirish vositalari orqali roʻyxatdan oʻtish imkoniga ega boʻldi.

Oʻzbekistonga kelgan chet el fuqarolari va fuqaroligi boʻlmagan shaxslarni vaqtincha roʻyxatga olish tartibi soddalashtirildi. Bu haqda Madaniyat va turizm vazirligi xabar bermoqda.

2023-yil 30-yanvarda Vazirlar Mahkamasining shu haqdagi “Xorijiy fuqarolar va fuqaroligi boʻlmagan shaxslarni Oʻzbekiston Respublikasi hududida vaqtinchalik yashash joyi boʻyicha hisobga olish tartibi toʻgʻrisidagi nizomga oʻzgartirishlar kiritish haqida”gi qarori qabul qilindi.

Qarorga koʻra, Oʻzbekistonda vaqtincha boʻlib turgan chet el fuqarolari va fuqaroligi boʻlmagan shaxslar Oʻzbekiston kirib kelganlaridan keyin migratsiya va fuqarolikni rasmiylashtirish boʻlinmalari, joylashtirish vositalari yoki davolash muassasalari orqali uch ish kuni davomida roʻyxatdan oʻtishlari mumkin.

Shuningdek, Oʻzbekiston Respublikasi hududida boʻlish qoidalarini buzgan yoki boshqa qoidabuzarliklarga yoʻl qoʻygan chet el fuqarolari va fuqaroligi boʻlmagan shaxslar ham joylashtirish vositalari orqali roʻyxatdan oʻtish imkoniga ega boʻldi.

Yaʼni, masalan, xorijlik fuqaro uch ish kuni davomida turli sabablarga koʻra roʻyxatdan oʻtmagan boʻlsa va toʻrtinchi kuni mehmonxona yoki boshqa joylashtirish vositasiga borsa, joylashtirish vositasi xorijlik fuqaroni roʻyxatga oladi va bu haqda “E-mehmon” dasturi orqali hududiy ichki ishlar organlariga xabar joʻnatadi. Bunda roʻyxatga kiritish uchun ichki ishlar organlaridan ruxsat olish shart emas.

Maʼlumot uchun, hujjat 2023-yil 31-yanvardan kuchga kirdi.