So`ngi yangiliklar
O‘zbekistonda biznes muhiti ijobiy tendensiyalarni namoyon qilmoqda
Yoshlar uchun yagona elektron platforma yaratiladi
Rishtonda yosh o‘quvchi kollejda zo‘ravonlar tomonidan kaltaklandi
Istanbul 18–21 sentyabrda Bosfor Kubogi 2025 qayiqlar poygasiga mezbonlik qiladi
Hamyurtimiz “Yuksak ehtirom” xalqaro esdalik ko‘krak nishoni bilan taqdirlandi
Farg‘ona dehqon bozoridagi narx-navo xalq uchunmi yoki…
Sentyabrdan boshlab migrantlar ilova orqali kuzatiladi
Kasb va xorijiy tillarga oʻqitish uchun vaucher berish tartibi belgilandi
Prezident Andijondagi mahalla hayotini koʻzdan kechirdi
Prezident Sadda tagi mahallasida yashovchi Diyor Mamadaliyevning xonadonida mehmon boʻlib, viloyatda yigʻma uylarni koʻpaytirish boʻyicha tavsiya berdi.
Prezident Shavkat Mirziyoyev Andijon tumanidagi Sadda tagi mahallasida boʻlib, aholi turmushi bilan yaqindan tanishdi.
Maʼlum boʻlishicha, bu mahallada 3 ming 600 nafardan ortiq aholi yashaydi. Oilalar yerdan unumli foydalanishning hadisini olgan.
Keyingi yillarda “Har bir oila – tadbirkor” dasturi asosida parrandachilik, uzumchilik, issiqxonalar tashkil etilmoqda. Shuningdek, mahalla hududida toʻqimachilik korxonasi, oziq-ovqat doʻkonlari va ustaxonalar bor.
Aholi bandligini taʼminlash, yoshlarning boʻsh vaqtini samarali oʻtkazish boʻyicha qilinayotgan ishlar bu mahalla hayotida ham sezilmoqda. Buni mahallada ishsizlik kamligi, oʻtgan yili birorta ham jinoyat boʻlmaganida ham koʻrish mumkin.
Maʼlumki, Andijon viloyatida aholi zich joylashgan. Uy-joyga talab katta. Jumladan, Mamadaliyevlar uyida ham besh oila yashayotgandi. Shu bois xonadon hovlisida tajriba tariqasida yigʻma uylar qurildi. Ular kamxarj, issiq-sovuq va yongʻinga chidamli, qurish ham oson.
Prezident shu yerlik Diyor Mamadaliyev xonadonida mehmon boʻlib, mezbonlarni yangi uylar bilan muborakbod etdi.
“Uy insonning eng asosiy ehtiyojlaridan biri. Ham davlat, ham tadbirkorlar tomonidan koʻplab turar joylar qurilayotgani xalqimiz manfaatini taʼminlayapti. Tanlov imkoniyatini kengaytirish uchun, ehtiyojmandlar uchun bunday arzon uylar ham kerak”, - dedi Shavkat Mirziyoyev.
Bunday uylarni koʻpaytirish, ular uchun zarur qurilish materiallarini mahalliylashtirish boʻyicha koʻrsatmalar berildi.
