“Isfahonga qilingan hujum javobsiz qolmaydi” — Eronlik siyosatchi

Eron Mudofaa vazirligi binosiga dronlar tomonidan hujum uyushtirildi. Podolyak bu hujumdan soʻng Twitterʻda kinoyali post qoldirdi.

Eronning Isfahon hududida joylashgan mudofaa vazirligi binosiga hujum uyushtirildi. Eron parlamentining tashqi siyosat va milliy xavfsizlik boʻyicha komissiyasi aʼzosi Mahmud Abboszoda Meshkini Ukraina prezidenti devoni rahbari maslahatchisi Mixail Podolyakning bayonoti fonida bu hujum javobsiz qolmasligini aytdi.

“Isfahonga qilingan hujum javobsiz qolmaydi”, — dedi parlamentariy.

Meshkinining taʼkidlashicha, Ukraina rasmiylari hozir Eronga nisbatan ochiqroq hujumlar qilmayapti, chunki ular javobdan qoʻrqishmoqda.

Siyosatchining qoʻshimcha qilishicha, Ukraina tomonining pozitsiyasi Tehronni ajablantirmaydi, chunki u Gʻarb gegemonligiga mos kelishi kerak. Bundan tashqari, Eron Ukraina mojarosida Gʻarb tomonida boʻlmaydi.

Avvalroq Podolyak oʻzining Twitterʻda “Ukraina sizni ogohlantirdi”, deb yozgan edi.

Shu tariqa, u Isfahondagi portlash Tehron goʻyoki Rossiya armiyasini oʻzining “Shahed” dronlari bilan jihozlayotgani sababli sodir boʻlishi mumkinligiga shama qildi.

Eslatib oʻtamiz, 29-yanvarga oʻtar kechasi Eronning Isfahon shahrida kuchli portlash sodir boʻldi.Eron Mudofaa vazirligi bu dronlarning “muvaffaqiyatsiz hujumi” ekanini aytdi. Mahalliy OAV portlashlar kamida beshta viloyatda sodir boʻlganini daʼvo qilmoqda.

“Effect.uz”ни “Telegram”да кузатинг

“Effect.uz”ни “Facebook”да кузатинг

“Effect.uz”ни “YouTube”да кузатинг

Effect.uz'ни Инстаграмда кузатинг