So`ngi yangiliklar
Storitelling va mutolaaning inson rivojidagi oʻrni...
Parlamentda Nukus voqealari bo‘yicha tuzilgan komissiya axboroti tinglandi
Navoiyga Mongoliyadan 1000 boshga yaqin Bayat zotiga mansub qo‘ylar olib kelindi
Faollar aytayotgan “iqtidor” egasi oddiy “Virtual valyutachi” boʻlgan...
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
Tojikistonning Konibodomida yana to‘rt kishining jasadlari topildi. Mahalliy aholi vahimada
Tahlil qilingan davlat xaridlarida «Davlat xaridlari to‘g‘risida»gi qonunning tegishli modda talablari buzilganlik holatlari aniqlandi
Ichki audit xizmati xodimlarining faoliyati samaradorligini baholash tartibi belgilandi
“Qirgʻiziston — bizning vaqt bilan sinalgan doʻstimizdir” — Prezident
Oʻzbekiston va Qirgʻiziston prezidentlari vanihoyat chegara masalasiga nuqta qoʻyishdi.
Bishkekdagi “Ala-Archa” davlat qarorgohida Oʻzbekiston Prezidenti Shavkat Mirziyoyev va Qirgʻiziston Prezidenti Sadir Japarov tor doirada uchrashuv oʻtkazdilar. Bu haqda Prezident matbuot xizmati xabar bermoqda.
Maʼlum boʻlishicha, uchrashuv boshida Shavkat Mirziyoyev taklif va samimiy qabul uchun minnatdorlik bildirib, keyingi ikki yilda Oʻzbekiston-Qirgʻiziston hamkorligi juda samarali rivojlanganini qayd etgan.
“Qirgʻiziston bizning muhim strategik hamkorimiz, eng yaqin qoʻshnimiz va vaqt bilan sinalgan doʻstimizdir”, - dedi Shavkat Mirziyoyev.
Tor doirada boʻlib oʻtgan suhbatda eng asosiy masala koʻtarildi, yaʼni ikki davlat rahbarlari Oʻzbekiston-Qirgʻiziston chegarasining delimitatsiyasi yakuniga yetkazilgani tarixiy voqea boʻlganini taʼkidlashgan.
“Bugun biz qirgʻiz-oʻzbek chegarasini delimitatsiya qilishni yakunlayapmiz. Bu haqiqatan ham tarixiy voqea. Biz muloqotga va oʻzaro maqbul yechimlarni izlashga tayyorligimizni namoyish etdik. Ishonchim komilki, chegaralar masalasiga chek qoʻyib, biz kelajak avlodlarimiz kamolotiga mustahkam poydevor qoʻyamiz”, — dedi Japarov.
Muzokaralarda ikki tomonlama siyosiy, savdo-iqtisodiy, investitsiyaviy, transport-kommunikatsiya, suv-energetika va hududlararo hamkorlikni rivojlantirish masalalari muhokama qilingan.
Statistikaga koʻra, Oʻzbekiston rahbari keyingi yillarda oʻzaro savdo hajmi yetti barobarga koʻpayganini mamnuniyat bilan qayd etdi. Oʻtgan yilning oʻzida tovar ayirboshlash 30 foizga oshib, 1,3 milliard dollarga yetgan.
Shundan kelib chiqib, Ikki mamlakat hukumatlariga savdo hajmini yanada oshirish va oʻzaro mahsulot yetkazib berish nomenklaturasini kengaytirish yuzasidan birgalikda ishlash boʻyicha topshiriq berildi.
Sanoat, toʻqimachilik, energetika, kon va qishloq xoʻjaligi sohalarida yangi qoʻshma investitsiya loyihalarini amalga oshirish masalalari koʻrib chiqildi. Shu maqsadda Oʻzbekiston-Qirgʻiziston taraqqiyot fondining salohiyati yanada faol ishga solinadi.
Davlat rahbarlari mintaqaviy tuzilmalar va xalqaro muloqot maydonlari doirasidagi hamkorlikni, Markaziy Osiyoda xavfsizlik va barqarorlik, zamonaviy xatar va tahdidlarga samarali qarshi kurashish masalalarini ham muhokama qildilar.
“Tomonlar koʻp tomonlama tuzilmalar doirasidagi oʻzaro manfaatli hamkorlikni bundan buyon ham davom ettirishga intilishini tasdiqladilar”, — deyiladi xabarda.
Eslatib oʻtamiz, “Qirgʻiziston – Oʻzbekiston” biznes-forumida ikki mamlakat oʻrtasida 1,6 mlrd. dollarlik 10 dan ortiq hujjat imzolandi.
