So`ngi yangiliklar
Storitelling va mutolaaning inson rivojidagi oʻrni...
Parlamentda Nukus voqealari bo‘yicha tuzilgan komissiya axboroti tinglandi
Navoiyga Mongoliyadan 1000 boshga yaqin Bayat zotiga mansub qo‘ylar olib kelindi
Faollar aytayotgan “iqtidor” egasi oddiy “Virtual valyutachi” boʻlgan...
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
Tojikistonning Konibodomida yana to‘rt kishining jasadlari topildi. Mahalliy aholi vahimada
Tahlil qilingan davlat xaridlarida «Davlat xaridlari to‘g‘risida»gi qonunning tegishli modda talablari buzilganlik holatlari aniqlandi
Ichki audit xizmati xodimlarining faoliyati samaradorligini baholash tartibi belgilandi
Qirgʻiziston Shavkat Mirziyoyevni qanday kutib oldi?
Qoʻshni davlat Oʻzbekiston prezidentining davlat tashrifiga jiddiy tayyorgarlik koʻrgan. Xususan Qirgʻiziston tomoni xavfsizlikka qattiq eʼtibor qaratgan. Mirziyoyevning kelishi munosabati bilan Bishkekda bir nechta yoʻllar yopilgan va shaharda vaqtinchalik cheklovlar joriy etilgan.
Oʻzbekiston Respublikasi Prezidenti Shavkat Mirziyoyev rafiqasi Ziroat Mirziyoyevabilan birga davlat tashrifi bilan Bishkek shahriga tashrif buyurdi.
Ikki mamlakatning davlat bayroqlari bilan bezatilgan “Manas” xalqaro aeroportida oliy martabali mehmonlarni Qirgʻiz Respublikasi Prezidenti Sadir Japarov va uning rafiqasi kutib oldi.
Sputnikʻning xabar berishicha, Shavkat Mirziyoyevning kelishi munosabati bilan Qirgʻiziston xavfsizlikka qattiq eʼtibor qaratgan.
Xususan Respublika Ichki ishlar vazirligi tomonidan:
postlar va patrul-post yoʻnalishlari joylashtirilgan;
kuchaytirilgan profilaktika amalga oshirilgan;
poytaxtda IIB shaxsiy tarkibi kuchaytirilgan rejimga oʻtgan;
militsiya tadbirlar oʻtkaziladigan joylarni alohida nazoratga olufy;
yoʻllarning ayrim qismlarida transport harakati cheklangan.
Ana endi tashrifning asosiy qismiga oʻtsak, davlat rahbarlariga Oʻzbekiston va Qirgʻiziston xalqlari oʻrtasidagi doʻstlikni tarannum etuvchi musiqiy-folklor chiqishlar namoyish etildi.
Soʻngra Prezidentlar Qirgʻiziston Bosh vaziri Akilbek Japarov hamrohligida “Ata-Beyit” milliy tarixiy-yodgorlik majmuasiga tashrif buyurdi.
Davlat rahbari 1916-yilgi fojiali voqealarning qurbonlari xotirasiga bagʻishlangan “Urkun” yodgorligi poyiga gul qoʻydi.
Qayd etish kerak, ushbu majmua 2000-yilda qirgʻiz davlatchiligining eng muhim bosqichlari haqidagi tarixiy xotirani tiklash va asrab-avaylash maqsadida tashkil etilgan.
Qirgʻiz xalqining ulugʻ yozuvchisi Chingiz Aytmatov taklifi bilan yodgorlikka “Ata-Beyit” – “Otalar qabri” degan nom berilgan. Davlat tashrifining asosiy tadbirlari ertaga, 27-yanvar kuniga moʻljallangan.
