title

So`ngi yangiliklar

17:24 / 2025-01-04 418

Storitelling va mutolaaning inson rivojidagi oʻrni...

15:53 / 2024-12-26 1093

Parlamentda Nukus voqealari bo‘yicha tuzilgan komissiya axboroti tinglandi

17:32 / 2025-01-04 1243

Navoiyga Mongoliyadan 1000 boshga yaqin Bayat zotiga mansub qo‘ylar olib kelindi

14:31 / 2024-12-19 1710

Faollar aytayotgan “iqtidor” egasi oddiy “Virtual valyutachi” boʻlgan...

19:41 / 2024-12-18 1601

Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi

22:41 / 2024-12-16 2343

Tojikistonning Konibodomida yana to‘rt kishining jasadlari topildi. Mahalliy aholi vahimada

21:03 / 2024-12-16 1910

Tahlil qilingan davlat xaridlarida «Davlat xaridlari to‘g‘risida»gi qonunning tegishli modda talablari buzilganlik holatlari aniqlandi

13:53 / 2024-12-16 1970

Ichki audit xizmati xodimlarining faoliyati samaradorligini baholash tartibi belgilandi

21:35 / 2023-01-25 536 0 Siyosat

Oltinsoy va Boysun tumanlariga hokim tayinlandi

Ulugʻbek Qosimov eski hokimlarni ishdan boʻshatishda davom etmoqda.

Surxondaryo viloyatida hokimlar tayinlovi davom etmoqda. Bu safar Oltinsoy va Boysun tumanlariga hokim tayinlandi. Bu haqda Surxondaryo viloyati hokimligi Matbuot xizmati xabar bermoqda.

Qayd etilishicha, Xalq deputatlari Oltinsoy tumani kengashining navbatdan tashqari sessiyasida tashkiliy masala koʻrib chiqilgan.

Sessiyada shu kunga qadar tuman hokimi lavozimida ishlab kelayotgan Alisher Djumayev vazifasidan ozod etildi. Tuman hokimi lavozimiga Maxmatrayemov Baxrom Omonovich tasdiqlandi.

Baxrom Maxmatrayemov 1974-yil 7-iyunda Denov tumanida tugʻilgan. 2000-yil Termiz davlat universiteti, 2006-yil Bank-moliya akademiyasini tugatgan. Maʼlumoti boʻyicha mutaxassisligi avtotransport korxonalari menejeri, soliqlar va soliqqa tortish.

Baxrom Maxmatrayemov 1996-2021-yillarda Davlat soliq qoʻmitasi, Moliya vazirligi, Hisob palatasida turli lavozimlarda faoliyat yuritgan. 2021-yildan buyon Kinematografiya agentligi bosh direktorining oʻrinbosari lavozimida ishlab kelayotgan edi.

Shuningdek, Boysun tumanida ham boʻlib oʻtgan navbatdan tashqari sessiyasida tuman hokimi lavozimida ishlab kelayotgan Asqarali Joʻrayev ishdan boʻshatildi. Tuman hokimi lavozimiga Shukurov Boxadir Shoturayevich tasdiqlandi.

Boxadir Shukurov — 1973-yil 1-yanvarda Boysun tumanida tugʻilgan. 1995-yil Toshkent davlat universiteti, 2004-yil Toshkent davlat yuridik instituti, 2006-yil Davlat va jamiyat qurilishi akademiyasini tugatgan. Maʼlumoti boʻyicha mutaxassisligi fizik, huquqshunos.

B.Shukurov 1994-2022-yillarda Ekologiya davlat qoʻmitasi, Vazirlar Mahkamasi va Oliy Majlis Senatida turli lavozimlarda faoliyat yuritgan. 2022-yildan buyon Vazirlar Mahkamasining Ekologik nazorat boʻlimi mudiri lavozimida ishlab kelayotgan edi.