So`ngi yangiliklar
Tarix va tabiat uygʻunlashgan shahar: Egey mintaqasining sirli xazinasi Didim haqida
Qoraqalpogʻistonda bir oilaning 3 nafar aʼzosi koʻlda choʻkib ketdi
Buxorocha "davleniya": Sudning mustaqilligi qayerda qoldi?
Ҳафта бошида баъзи жойларда чанг-тўзонлар кузатилади
Namanganda yuk mashinasi savdo doʻkoniga borib urildi
“Salimboyvachcha” Toshkentda koʻrinish berdi
Oʻzbekistonda tugʻilish kamayib, oʻlim holati koʻpaymoqda
Turkiyada oʻrmon yongʻinlari avj olmoqda
Toqayev Qozogʻistonda parlamentni tarqatib yubordi
Prezident davlat organlarini shakllantirishning yangi modeli saylovchilar manfaatlarini himoya qilishini taʼkidladi.
Qozogʻiston prezidenti Qasim-Jomart Toqayev mamlakat parlamenti quyi palatasini tarqatib yuborish toʻgʻrisidagi farmonni imzoladi. Shuningdek, u deputatlar saylovini 2023-yil 19-martga tayinladi.
“Men majlisni tarqatib yuborish va mahalliy vakillik organlari vakolatlarini muddatidan oldin tugatish toʻgʻrisidagi farmonlarni imzoladim.
Deputatlarning yangilangan tarkibi bundan keyin ham xuddi shu formatda ish olib borishiga va mamlakatimizni har tomonlama modernizatsiya qilishga yangi surʼat bagʻishlashiga umid bildiraman. Majlis deputatlarining navbatdan tashqari saylovi 2023-yil 19-martda boʻlib oʻtadi”, — deyiladi xabarda.
Qayd etilishicha, barcha darajadagi mahalliy vakillik organlari deputatlari saylovi mamlakat Markaziy saylov komissiyasi (MSK) tomonidan tayinlanadi.
Toqayev deputatlarga faol faoliyati uchun minnatdorchilik bildirdi. Uning soʻzlariga koʻra, ular Qozogʻistonda amalga oshirilgan keng koʻlamli islohotlarning epitsentrida boʻlgan.
Endi parlament quyi palatasi deputatlarining 70 foizi partiya roʻyxati, 30 foizi esa bir mandatli okruglardan saylanadi.
“50 dan 50 gacha nisbatda viloyatlar va respublika ahamiyatiga molik shaharlar deputatlariga saylovlar ham oʻtkaziladi. Tumanlar va viloyatlar ahamiyatiga molik shaharlar masʼullariga saylovlarda esa fuqarolar faqat bir mandatli okruglar boʻyicha deputatlikka nomzodlar uchun ovoz beradi”, — deb qoʻshimcha qilingan xabarda.
Prezident davlat organlarini shakllantirishning yangi modeli saylovchilar manfaatlarini himoya qilishini taʼkidladi.
