Сўнгги янгиликлар
«Афсуски, айрим «Ишонч телефонлари» номига ташкил қилинган ёки умуман ишламайди» – Акмал Бурхонов
«Босим ўтказилаётгани тўғрисидаги хабарлар асоссиз» – «Ўзбектелеком» HUMANS иши бўйича муносабат билдирди
Ўзбекистоннинг ветеринария соҳасидаги тажрибаси халқаро миқёсда эътироф этилди
Туркияда “Тунги музейлар” лойиҳаси июнь ойида янги мавсумини бошлайди
Ўзбекистонга C гепатитига қарши дорининг жорий йилдаги илк партияси олиб келинди
Қибрайликлар оёққа турди. Сабаби нима?
5 минг йиллик тарихга эга Бирги қишлоғи ҳақида нималар маълум?
Изник: насронийликнинг тирик музейи
Бразилияда Конгресс биносини босиб олган 30 нафар намойишчилар ҳибсга олинди
Бразилиянинг амалдаги президенти фуқароларнинг ушбу хатти-ҳаракатини “варварлик” деб таърифлаб, босқинчиларга қонун доирасида чора кўрилишига ваъда берди.
Бразилия Олий суди судьяси Конгресс, Олий суд ва Планалто саройини эгаллаб олган 30 нафар собиқ президент Жаир Болсонаро тарафдорларини ҳибсга олиш бўйича ҳукм чиқарди. Бу ҳақда G1 портали хабар бермоқда. “Судья Александр де Мораэс жиноят содир этган жойда қўлга олинган 30 нафар шахсни ҳибсга олиш бўйича ҳукм чиқарди”, — дейилади хабарда.
Портал маълумотларига кўра, полиция томонидан қўлга олинган 150 нафар намойишчилар ҳам ҳибсга олинишлари кутилмоқда.
Қайд этиш жоиз, намойишчилар январь ойи бошида лавозимга киришган амалдаги президент Луиз Инациу Лула да Силванинг истеъфосини талаб қилмоқда. У иккинчи раундда Болсонарони кичик ҳисобда ортда қолдириб, ғалаба қозонди.
Ноябрь ойида Бразилия Олий сайлов суди Болсонаро партиясининг президентлик сайловларида берилган овозларнинг бир қисмини бекор қилиш ҳақидаги даъвосини рад этди.
Сан-Паулуда бўлган Бразилия президенти Луиз Инациу Лула да Силва матбуот анжумани чоғида Бразилиядаги ҳукумат биноларининг босиб олинишини ваҳшийлик деб атади, пойтахтда тартибни тиклаш учун федерал кучлардан фойдаланишни буюрди ва маҳаллий жамоат хавфсизлиги бошлиғини ўрнига қўмондон тайинлади.
Лула да Силва тартибсизликларни бартараф этиш учун федерал ҳарбий ва ҳуқуқ-тартибот кучларини юборишни буюрди. У фуқароларнинг ушбу хатти-ҳаракатини “варварлик” деб таърифлаб, иштирокчилар қонун доирасида тўлиқ жазоланишига ваъда берди.
