Сўнгги янгиликлар
«Ўқитувчиларга имтиёзли автокредит орқали автомобилларни сотишга тайёрмиз» – «Ўзавтосаноат»
Айдар–Арнасой кўллар тизими – кимнинг тизгинида?
ССП раиси ўринбосари Нодира Шотурсунова Наманганда фаол ва ташаббускор аёл тадбиркорлар билан учрашди
Сторителлинг ва мутолаанинг инсон ривожидаги ўрни...
Парламентда Нукус воқеалари бўйича тузилган комиссия ахбороти тингланди
Навоийга Монголиядан 1000 бошга яқин Баят зотига мансуб қўйлар олиб келинди
Фаоллар айтаётган “иқтидор” эгаси оддий “Виртуал валютачи” бўлган...
Рустам Минниханов бошчилигидаги Татаристон делегацияси Навоий вилоятига ташриф буюрди
Фарғонада 3 ёшли бола «Док-1 Макс» сиропидан заҳарланган
Ўзбекистонда «Док-1 Макс»ни ишлаб чиқарган компанияга тегишли барча дорилар савдоси вақтинча тўхтатилди.
Республика шошилинч тиббий ёрдам илмий маркази Фарғона филиалининг болалар реанимация бўлимида 3 ёшли бола “Док-1 Макс” сиропини ичиши натижасида доридан ўткир заҳарланиш ташхиси билан даволанмоқда. Бу ҳақда Фарғона вилояти соғлиқни сақлаш бошқармаси бошлиғи Абдуқаюм Тўхтақулов ЎзАга маълум қилди.
Унинг қайд этишича, Қувасой шаҳридан бўлган беморнинг умумий аҳволи оғир, ҳушида. Болага тасдиқланган даволаш стандарти асосида даво муолажалари олиб борилмоқда.
“Вилоятдаги вазиятни шахсан ўзим назоратга олганман. Яна бир бор аҳолимиздан иситма туширадиган дори воситаларини фақат шифокор тавсияси ва назоратида қабул қилишни сўрайман. Қолаверса, фарзандларимизга шифокорнинг аниқ тавсиясисиз, ўзбошимчалик билан дори препаратларини бермасликни илтимос қилиб қоламиз”, — деган Фарғона вилояти соғлиқни сақлаш бошқармаси бошлиғи.
Эслатиб ўтамиз, Ҳиндистонда ишлаб чиқарилган «Док-1 Макс» сиропини истеъмол қилиш ортидан ҳозирча Самарқандда 18 нафар, Қашқадарёда бир нафар, жами 19 нафар бола вафот этди. Давлат хавфсизлик хизмати томонидан «Док-1 Макс» препарати билан боғлиқ ҳолат юзасидан жиноят иши қўзғатилган. Ўзбекистонда «Док-1 Макс»ни ишлаб чиқарган компанияга тегишли барча дорилар савдоси вақтинча тўхтатилди.
Шавкат Мирзиёев 2022 йилнинг 30 декабридаги йиғилишда «Док-1 Макс» препаратини қабул қилиш оқибатида болалар ҳаётдан кўз юмгани билан боғлиқ вазиятни қаттиқ танқид қилди ва Фармацевтика тармоғини ривожлантириш агентлиги раҳбари Сардор Кариевни ишдан олди.
.jpg)