Сўнгги янгиликлар
«Ўқитувчиларга имтиёзли автокредит орқали автомобилларни сотишга тайёрмиз» – «Ўзавтосаноат»
Айдар–Арнасой кўллар тизими – кимнинг тизгинида?
ССП раиси ўринбосари Нодира Шотурсунова Наманганда фаол ва ташаббускор аёл тадбиркорлар билан учрашди
Сторителлинг ва мутолаанинг инсон ривожидаги ўрни...
Парламентда Нукус воқеалари бўйича тузилган комиссия ахбороти тингланди
Навоийга Монголиядан 1000 бошга яқин Баят зотига мансуб қўйлар олиб келинди
Фаоллар айтаётган “иқтидор” эгаси оддий “Виртуал валютачи” бўлган...
Рустам Минниханов бошчилигидаги Татаристон делегацияси Навоий вилоятига ташриф буюрди
Ўзбекистонда «Ёшлар туризми ҳафталиги» ўтказилади
«Ўзбекистон бўйлаб саёҳат қил!» дастури доирасида Туризм ва маданий мерос вазирлиги томонидан маданий мерос объектлари ва музейларга чегирмалар эълон қилинган.
2023 йилдан бошлаб январь ойининг биринчи декадасида «Ёшлар туризми ҳафталиги» ўтказилади.
Ҳафталикдан кўзланган мақсад ёшларни таътил вақтида мавсумий имтиёзли туристик пакетлари асосида республиканинг диққатга сазовор жойларига саёҳатларини ташкил этиш, олий таълим муассасалари талабалари, мактаб ўқувчилари ва маҳаллалардаги аҳоли ва ёшларнинг саёҳатларини ташкил этиш, ногиронлиги бўлган ўқувчи, талаба ва ёшларнинг республикамиз бўйлаб саёҳат қилиши учун зарур ташкилий ва амалий чора-тадбирларни амалга оширишдан иборат.
Шунингдек, ҳафталик давомида маданий мерос объектлари, музейлар, театр ва кинотеатрларга ёшларнинг жамоавий ташрифларини ташкил қилиш, тарихимизни жонли кўрсатувчи театрлаштирилган томошалар намойишини йўлга қўйиш, барча ҳудудларда «Ёшлар туризми карвони» лойиҳаси ҳамда Қорақалпоғистон Республикасида «Орол туризми» ҳафталигини ўтказиш, китобхонлик кунларини юқори савияда ташкил этиш, дастур асосида юқори натижаларга эришган ҳамда ёшларга ўрнак кўрсатадиган илм-фан намоёндалари иштирокида «маҳорат дарслари»ни ўтказиш мақсад қилинган.
Таъкидлаш лозимки, «Ўзбекистон бўйлаб саёҳат қил!» дастури доирасида Туризм ва маданий мерос вазирлиги томонидан маданий мерос объектлари ва музейларга чегирмалар эълон қилинган.
Бундан ташқари, ҳафталик доирасида «Ўзбекистон темир йўллари» АЖ ҳамда «Узбекистан Аирwайс» АЖ томонидан саёҳат қилувчи ёшлар учун вилоятлараро қатновчи автобус, авиа ва темирйўл чипталарга чегирмалар ҳамда тадбиркорлик субъектларининг ташиш хизматларига ихтиёрий чегирмалар белгиланади.
Дам олиш кунларида саҳоят қилишни истаганлар бу борадаги қулайликлар ва бошқа маълумотларни ҳар бир маҳалладаги ёшлар етакчиларига мурожаат қилиши мумкин!
Қайд этиш жоизки, «Ёшлар туризми ҳафталиги» Президентнинг 2022 йил 30 апрелдаги «Ички туризм хизматларини диверсификация қилишга оид қўшимча чора-тадбирлар тўғрисида»ги қарорига мувофиқ ўтказилади.
Тадбир Туризм ва маданий мерос вазирлиги томонидан Ёшлар ишлари агентлиги, Маҳалла ва нуронийларни қўллаб-қувватлаш вазирлиги ҳамда Олий ва ўрта махсус таълим вазирлиги билан ҳамкорликда ташкил этилмоқда.
.jpg)