Сўнгги янгиликлар
Туркияда “Тунги музейлар” лойиҳаси июнь ойида янги мавсумини бошлайди
Ўзбекистонга C гепатитига қарши дорининг жорий йилдаги илк партияси олиб келинди
Қибрайликлар оёққа турди. Сабаби нима?
5 минг йиллик тарихга эга Бирги қишлоғи ҳақида нималар маълум?
Изник: насронийликнинг тирик музейи
Анталиянинг яширин хазиналари ҳақида эшитганмисиз?
Анқара замонавий меъморий мероси билан ЮНEСКО рўйхатига киритилди
Хитойда сунъий ёмғир ёғдириш бўйича тажриба ўтказилди
Бухоро шаҳрида 7 қаватли бино қулаб тушгани айтилмоқда
Ижтимоий тармоқларда муҳокама бўлган воқеага Қурилиш вазирлиги муносабат билдирди.
Бухоро шаҳрида қурилиши битмаган кўп қаватли бинонинг тўсини бузилиб кетди. Ижтимоий тармоқларда муҳокама бўлган воқеага Қурилиш вазирлиги муносабат билдирди.
Вазирликка кўра, Бухоро шаҳар Баҳоуддин Нақшбанд кўчаси ёқасидаги биринчи қавати савдо ва маиший хизмат кўрсатиш шахобчалари, юқори қаватлари эса турар-жой биноси бўлиши кўзда тутилган объектда қурилишда ишлаб чиқариш технологиясига, хавфсизлик талабларига риоя қилинмаган.
Техник назоратчининг объект қурилиши давомида ўзига юклатилган назорат ишларини вақтида амалга оширмаганлиги, лойиҳа назоратчиси томонидан белгиланган календарь режа-жадвал асосида назорат тадбирларини олиб борилмаганлиги ҳамда белгиланган мустаҳкамликка эга бўлмаган тўсин (ригелга) ортиқча юкланишни берилиши сабабли рама конструкциянинг тўсин (ригель) қисмида бузилиш юзага келган. Ҳолат бўйича жабрланганлар йўқ.
Мазкур объектни қуриш ишлари Бухоро шаҳрининг тасдиқланган бош режаси ва Бухоро шаҳар ҳокимининг 2015 йил 30 декабрдаги 2147-сонли қарорига асосан амалга оширилган ва бунинг учун 1.7 га ер майдони ажратиб берилган.
Ушбу қарорга асосан Бухоро шахар Архитектура ва қурилиш бошқармаси томонидан 2015 йил 31 мартда архитектура-режалаштириш ҳужжати тайёрланган.
7 қаватли бинонинг лойиҳа-смета ҳужжатлари учун экспертиза ташкилотининг ижобий хулосаси олиниб, қурилиш-монтаж ишларини бошлаш тўғрисида ДХА орқали хабарнома юборилган ҳамда инспекция томонидан рўхатдан ўтган.
Объектнинг қурилиш жараёнлари ҳудудий инспекция томонидан доимий назоратга олинган бўлиб, “Шаффоф қурилиш” миллий ахборот тизими орқали буюртмачи, лойиҳачи ташкилотларига инспекциянинг электрон ёзма кўрсатмалари тақдим этилган.
