Сўнгги янгиликлар
Истанбул 18–21 сентябрда Босфор Кубоги 2025 қайиқлар пойгасига мезбонлик қилади
Ҳамюртимиз “Юксак эҳтиром” халқаро эсдалик кўкрак нишони билан тақдирланди
Фарғона деҳқон бозоридаги нарх-навo халқ учунми ёки…
Сентябрдан бошлаб мигрантлар илова орқали кузатилади
Касб ва хорижий тилларга ўқитиш учун ваучер бериш тартиби белгиланди
Касб ва хорижий тилларга ўқитиш учун ваучер бериш тартиби белгиланди
Фарғонада уй боғчасида 43 нафар болага ноқонуний диний сабоқ бериб келингани аниқланди
Ўзбекистон ва Иордания ўртасида 15 та ҳужжат имзоланди
Сурхондарёнинг янги ҳокими биринчи иш кунини қандай ўтказди?
Сурхондарё вилоятига ҳоким этиб тайинланган Улуғбек Қосимов ҳокимликдаги биринчи иш кунини вилоятдаги мавжуд муаммолар, уларнинг таҳлили ва муҳокамаси билан бошлади. Бу ҳақда вилоят ҳокимлиги матбуот хизмати хабар бермоқда.
Таъкидланишича, вилоят ҳокимининг тармоқлар бўйича ўринбосарлари, ҳокимлик аппарати ходимлари, вилоятдаги бошқарма, идора ва ташкилотлар раҳбарлари иштирокида ҳар бир соҳадаги мавжуд муаммолар, бугунги кундаги ҳолат ва келгусида амалга ошириладиган чора-тадбирларни муҳокама қилган.
Улуғбек Қосимов масъуллардан ахборот қабул қилар экан, мавжуд муаммолар ва уларнинг ечими борасида ўзининг тавсия, топшириқ ва кўрсатмаларини берган. Ҳар бир тармоқ, йўналиш ва соҳалар кесимида чора-тадбирлар белгилаб олинган.
Шундан сўнг, ҳоким вилоятнинг асосий янги йил арчаси ўрнатилган “Мустақиллик майдони”да бўлиб, сайлга ташриф буюрган фуқаролар билан суҳбатлашган. Суҳбат жараёнида фуқароларнинг байрам кайфияти билан қизиқиб, уларни яқинлашиб келаётган янги йил байрами билан табриклаган.
Шунингдек, мазкур майдонда жамоат хавфсизлигини таъминлаш, ёнғин ва фавқулодда ҳолатларнинг олдини олиш борасида кўрилган чора-тадбирлар билан танишилган. Аҳолига байрамона кайфият улашувчи лойиҳаларни амалга ошириш бўйича масъулларга тегишли топшириқлар берилган.
