Сўнгги янгиликлар
Мурожаатлар Президентгача етиб бормаяпти, ёхуд енгилган курашга тўймас…
Терговчи ва судьянинг хатоси – «хато», оддий фуқароники эса – «жиноят»ми?
"Уч қаҳрамон" бозоридаги ёнғинда 74 млрд сўм зарар кўрилган
“Афросиёб” тезюрар поездига нисбатан қўпорувчилик ҳаракати содир этган темирйўлчилар узоқ муддатга озодликдан маҳрум қилинди
Янги Тошкент метро линияси 2026 йилда қуриб битказилади
Ўзбекистон юқори даромадли давлат бўлиши учун 100 йил керак
Хорватияга ишга юборишни ваъда қилган фирибгарлар ушланди
Миграция агентлиги хориждаги фуқароларни уруш хавфидан огоҳлантирди
Олтиннинг нархи тарихий рекорд даражага ошди
Жаҳон биржаларида олтиннинг нархи янги рекорд кўрсаткичга етди ва биринчи марта унинг бир унцияси (28,3495 грамм)ни қиймати 3500 доллардан ошди. Хусусан, Чикаго товар биржасидаги савдо маълумотларига кўра, июнь ойидаги олтин фьючерслари нархи 2,3 фоизга ошиб, бир унция учун 3504,2 долларга етди.
«Bloomberg» агентлигининг ёзишича, олтин нархининг ошиши, доллар курсининг пасайишига АҚШ Федерал захира тизими президент Доналд Трамп томонидан танқид қилингани сабаб бўлган. Бу омиллар хавфсиз актив сифатида олтинга талабни оширди. Қимматбаҳо металлар нархининг ошишига савдо урушларининг таъсири ҳақидаги доимий хавотирлар ҳам туртки берган.
Доллар асосий валюталарга нисбатан заифлашди, бу эса таҳлилчиларнинг фикрича, Трампнинг Федерал захира тизими раиси Жером Пауэлл ҳақидаги сўнгги изоҳлари билан боғлиқ. Гап шундаки, Оқ уй раҳбари яна бир бор Федерал захира тизимидан фоиз ставкаларини пасайтиришни талаб қилди. Бу эса мамлакат иқтисодиётига ишончни заифлаштирмоқда. Ўз навбатида, заиф доллар олтинни бошқа мамлакатлар инвесторлари учун янада жозибадор қилмоқда.
Аввалроқ, Cомех биржасида олтин нархи 1,72 фоизга ошиб, унинг бир троя унцияси (31,1035 грамм)ни баҳоси 3450 доллардан ошганди.
