Сўнгги янгиликлар
Туркиядаги 4 та қишлоқ “2025 йилнинг энг яхши туризм қишлоғи” мақомига сазовор бўлди
Истанбул – қадим тарих ва маданият ўчоғи
Ўзбекистонда мажбурий авто суғурта тизимидаги янгиликлар: 2026 йилдан нималар ўзгаради ва ҳайдовчилар учун эслатмалар
Ёмғир керак: Табиат ва инсон ўртасидаги мувозанат издан чиқмоқда
Президент Мирзиёев Саудия Арабистони делегациясини қабул қилади ва “Янги Тошкент” аэропорти қурилишига старт беради
Каппадокия 17-19 октябрда “Salomon Cappadocia Ultra-Trail” югуриш пойгасига мезбонлик қилади
Ўзбекистон павильони Осака EXPO–2025 кўргазмасида олтин медалга сазовор бўлди
Ўртаҳисар “Дунёнинг энг гўзал 50 қишлоғи” рўйхатига киритилди
Самарқанд – Европа ва Марказий Осиё мулоқотининг маркази…
3–4 апрель кунлари бўлиб ўтадиган “Марказий Осиё – Европа Иттифоқи” биринчи саммити истиқболларга йўл очади.
Самарқанд шаҳри жорий йилнинг 3–4 апрель кунлари тарихий воқеага мезбонлик қилади – биринчи марта “Марказий Осиё – Европа Иттифоқи” форматида саммит ўтказилади. Унда Европа Кенгаши ва Комиссияси раислари, шунингдек, Марказий Осиё давлатлари раҳбарлари иштирок этади. Ўзбекистон Президенти Шавкат Мирзиёев саммитга раислик қилади.
Ушбу саммит Европа ва Марказий Осиё ўртасидаги муносабатларни янги босқичга олиб чиқишда муҳим қадам саналади. Ўзбекистон эса бу жараёнда очиқ ва фаол шерик сифатида алоҳида ўрин тутади.
Сўнгги йилларда Ўзбекистон ва Европа Иттифоқи ўртасидаги алоқалар сиёсий мулоқотдан тортиб, инвестиция ва таълимгача бўлган кенг соҳаларни қамраб олди. 2023 йилда икки томонлама савдо ҳажми 5,8 миллиард долларга етди, мамлакатда 1000 дан зиёд европалик сармоядорлар иштирокидаги корхоналар фаолият юритмоқда.
2022 йилда имзоланган Кенгайтирилган шериклик ва ҳамкорлик тўғрисидаги келишув ўзаро муносабатларни институционал даражада мустаҳкамламоқда.
Қатор Европа мамлакатлари билан ҳамкорлик агросаноат, таълим ва логистика соҳаларида кенгаймоқда. Германия Марказий Осиёдаги фақат Ўзбекистон билан шерикликни сақлаб қолган давлат бўлиб, инвестициялар ҳажми 4,5 миллиард доллардан ошиб кетди. Франция “яшил” иқтисодиёт, туризм ва маданият соҳаларида қатор лойиҳаларни амалга оширмоқда.
Тадбир доирасида транспорт, рақамли инфратузилма, экология, таълим, хавфсизлик ва “яшил энергетика” каби соҳаларда ҳамкорлик механизмлари муҳокама этилади. Шунингдек, Транскаспий транспорт йўлагини жадаллаштириш, ЭИЗлар орқали сармоя жалб қилиш ва инсон капиталини ривожлантириш устувор вазифалардан саналади.
Самарқанд саммити – бу расмий баёнотлар эмас, амалий натижалар ва истиқболлар майдони. У Ўзбекистоннинг халқаро нуфузини мустаҳкамлаб, Европа билан мустаҳкам, барқарор ва прагматик шерикликни йўлга қўйишда янги саҳифа очади.
.jpg)
