Сўнгги янгиликлар
Трансафғон темирйўлининг қурилиши 2025 йилнинг ўзидаёқ бошланиши мумкин
Ўзбекистонда давлат хизматчилари “ҳалоллик тести” бўйича текширилади
Швециядаги мактабда отишма содир бўлди
Баҳриддин Валиев раҳбарлигидаги ишчи гуруҳ Сирдарёда!
Олий суд Навоийда аҳолига сифатсиз хизмат кўрсатган санитар тозалаш корхонаси билан тузилган битимни бекор қилди
Тошкент вилоятида қурилиш ва коммунал соҳадаги аҳвол қандай? Масъуллар жавоб берди
Японияда рекорд даражадаги қор ёғди
Ўзбекистон туризм салоҳияти Малайзияда тақдим этилди
Олий суд Навоийда аҳолига сифатсиз хизмат кўрсатган санитар тозалаш корхонаси билан тузилган битимни бекор қилди
2025 йил 31 январь куни Олий суд томонидан Навоий вилояти ҳокимлиги ва «Бережливост» ХИЧК (хусусий ишлаб чиқариш корхонаси) санитар тозалаш корхонаси ўртасидаги битим бекор қилинди. Бу ҳақда Чиқиндиларни бошқариш ва циркуляр иқтисодиётни ривожлантириш агентлиги матбуот хизмати хабар бермоқда.
Таъкидланишича, 2019 йил 18 январда Навоий вилояти ҳокимлиги ва санитар корхона ўртасида давлат-хусусий шериклик асосида «Маиший чиқиндиларни олиб чиқиб кетиш хизматларини кўрсатиш тўғрисида»ги 2-сонли битим ва 1-сонли қўшимча келишув имзоланган.
Суд қарорига асосан мазкур битим ва келишув корхона томонидан абонентларга қониқарсиз хизмат кўрсатилганлиги сабабли бекор қилинди. Яъни корхона 2-сонли битим бўйича Навоий вилоятининг Навоий шаҳри ва Кармана туманида, 1-сонли қўшимча келишув бўйича эса вилоятнинг Зарафшон тумани ҳудудида чиқиндиларни олиб чиқиб кетиш хизматларини кўрсата олмайди.
Бундан ташқари, айни пайтда вилоят ҳокимлиги, Навоий Экология бошқармаси ва «Бережливост» ХИЧК ўртасида 2021 йил 10 сентябрда тузилган Томди, Қизилтепа ва Учқудуқ туманларида «Маиший чиқиндиларни олиб чиқиб кетиш хизматларини кўрсатиш тўғрисида»ги 14-сон битимни бекор қилиш юзасидан киритилган даъво аризаси апелляция суди томонидан кўриб чиқиляпти.
Чиқиндиларни бошқариш ва циркуляр иқтисодиётни ривожлантириш агентлиги бошқа санитар тозалаш корхоналарига тегишли даражада сифатли хизмат кўрсатишга масъул эканликларини, акс ҳолда битимлар қонунчиликда белгиланган тартибда бекор қилинишини эслатмоқда.
Фуқароларга эслатма: Агар сизда ҳам чиқинди хизматлари бўйича шикоят ва таклифлар бўлса, Экология вазирлиги ҳузуридаги Чиқиндиларни бошқариш ва циркуляр иқтисодиётни ривожлантириш агентлигининг 1205 қисқа рақамларига мурожаат қилинг!
