EFFECT.UZ – ҲАҚИҚАТ УЧУН!
Сўнгги янгиликлар
“Ҳудудий электр тармоқлари” АЖга келиб тушган 35 мингдан ортиқ мурожаатнинг қанчаси қаноатлантирилгани маълум қилинди

“Ҳудудий электр тармоқлари” АЖга келиб тушган 35 мингдан ортиқ мурожаатнинг қанчаси қаноатлантирилгани маълум қилинди

“Ҳудудий электр тармоқлари” АЖга жисмоний ва юридик шахслардан келиб тушган 35 747 та мурожаатнинг 20152 таси қаноатлантирилган. Бу ҳақда АОКАда ўтказилган брифингда акционерлик жамияти ахборот хизмати раҳбари Фахриддин Нуралиев маълум қилди.

“Ҳудудий электр тармоқлари” акциядорлик жамиятига жисмоний ва юридик шахслардан жами 35 747  та мурожаат келиб тушган.

Уларнинг 27 637 таси Президент виртуал қабулхонаси орқали келиб тушган бўлса, 413 таси Бош вазирнинг тадбиркорлар мурожаатларини кўриб чиқиш виртуал қабулхонасидан, 1068 таси Бош Прокуратуранинг ишонч телефони орқали  келиб тушган. “Ҳудудий электр тармоқлари” АЖ ва унинг ҳудудий тузилмаларига келиб тушган мурожаатлар сони 4 886 тани ташкил этса,  ижтимоий тармоқлардаги расмий мессенжер каналидан 1 743 та мурожаат йўлланган.

Таъкидлаш жоизки, жорий йилнинг биринчи ярим йиллигида келиб тушган мурожаатларнинг 20 152  таси қаноатлантирилган, 13 128  таси юзасидан тушунтиришлар берилган ҳамда  2 467  та мурожаат айни пайтда кўриб чиқилиш жараёнида. Қиёсий таҳлиллар, жорий йилда йўлланган мурожаатлар сони ўтган йилнинг шу даврига нисбатан 6 752 тага ёки (19%) га камайганини кўрсатмоқда.

Ҳудудлар кесимида келиб тушган мурожаатлар оқимига назар ташлайдиган бўлсак, ҳисобот даврида “Қорақалпоқ ҲЭТК” АЖ томонидан 482 та, “Андижон ҲЭТК” АЖда 2608 та, “Бухоро ҲЭТК” АЖда 1317 та, “Жиззах ҲЭТК” АЖда 3811 та, “Навоий ҲЭТК” АЖда 1433 та, “Қашқадарё ҲЭТК” АЖда 4551 та, “Наманган ҲЭТК” АЖда 1900 та, “Самарқанд ҲЭТК” АЖда 3557 та, “Сирдарё ҲЭТК” АЖда 1377 та, “Сурхондарё ҲЭТК” АЖда 4401 та, “Тошкент ҲЭТК” АЖда 2165 та, “Фарғона ҲЭТК” АЖда 2665 та, “Хоразм ҲЭТК” АЖда 1436 та ва “Тошкент шаҳар ЭТК” АЖ томонидан ўрганилган мурожаатлар сони 2165 тани ташкил этади. 

Алоҳида қайд этиш жоизки, Жамият раҳбарияти ҳамда тизим корхоналари масъул ходимлари томонидан аҳолининг муаммоларини эшитиш ва уларни ҳал этиш юзасидан жойларда сайёр қабуллар мунтазам ташкил этилиб келинмоқда.

Хусусан, “Ҳудудий электр тармоқлари” АЖ раҳбарияти томонидан 2022 йилнинг ўтган январь-июнь ойлари давомида жами 150 нафар жисмоний ва юридик шахсларнинг вакиллари қабул қилинган. Шундан 60 нафари бевосита “Ҳудудий электр тармоқлари” АЖ томонидан Жамият биносида қабул қилинган бўлса, 90 нафари билан вазир ўринбосарлари томонидан ҳудудларда ўтказилган сайёр қабуллар жараёнида суҳбатлашилган.

Бундан ташқари, “Ҳудудий электр тармоқлари” АЖ бошқармалари бошлиқлари томонидан 2022 йилнинг биринчи ярим йиллиги давомида ўтказилган шахсий ва сайёр қабуллар давомида жами 113  нафар жисмоний ва юридик шахслар вакиллари қабул қилинган.

Ҳисобот даврида Жамият ҳамда унинг таркибий корхоналарига келиб тушган мурожаатлар ва уларда келтирилган масалалар таҳлил этилганда, уларнинг аксарияти:

-  Электр таъминотидаги узилишлар;

- Электр тармоғи қуриб бериш, тармоққа уланиш ҳамда трансформатор пунктларини таъмирлаш ва  ўрнатиб бериш ;

- Электр ҳисоблагич ўрнатиб бериш;

- Электр энергияси учун тўловлар ва асоссиз қарздорлик;

- Электр таъминоти корхоналари ходимларининг хатти-ҳаракатларидан норозилик, ишга жойлашиш ҳамда бошқа масалалар билан боғлиқлиги аёнлашади.

 Маълумот учун

Фуқаролар “Ҳудудий электр тармоқлари” АЖнинг 78-150-75-64 ишонч телефони ёки 1154 қисқа рақамлари, шунингдек, телеграм мессенжеридаги "Hududiy elektr tarmoqlari" AJ билан мулоқот канали орқали ўз мурожаатларини юборишлари мумкинлигини яна бир бор эслатиб ўтамиз.

“Ҳудудий электр тармоқлари” АЖ матбуот хизмати

«Улашинг»

  • Смайлы и люди
    Животные и природа
    Еда и напитки
    Активность
    Путешествия и места
    Предметы
    Символы
    Флаги
Кликните на изображение чтобы обновить код, если он неразборчив

RATING