Сўнгги янгиликлар
Анталия соҳилларида ҳалокатга учраган 2000 йиллик кемадан ноёб тарихий ашёлар топилди
Чиқинди хизматларидан қарздор абонентларнинг август ойидан бошлаб электр энергияси тўловига чеклов ўрнатилади
Анқара “2026 йил Турк дунёсининг туризм пойтахти” деб эълон қилинди
Ўзбекистон Ҳукуматининг Гулнора Каримова бўйича расмий позицияси эълон қилинди
Учтепа туманида жойлашган жиноий гуруҳ аъзолари ушланди
Ўзбекистонда олтин-валюта захиралари 6 ой ичида биринчи марта камайди
«Ғалабанинг номи — Туркия»дир: 15 июлдаги драматик тун нималар билан ёдда қолган?
Туркия ўрмон ёнғинларига қарши курашишда қандай йўлдан бормоқда?
Британия Украинага ўнлаб «Storm Shadow» ракеталарини топширди
Буюк Британия ҳукумати бир неча ҳафта олдин Украинага яна «ўнлаб» узоқ масофали «Storm Shadow» ракеталарини етказиб берди, деб хабар бермоқда «Bloomberg» манбаларга таяниб.
Бу хабар оммавий равишда эълон қилинмади. 2024 йил июлидан бери ўз лавозимини эгаллаб турган Бош вазир Кей Стармер даврида бундай ракеталарнинг биринчи етказиб берилишидир.
Нашр суҳбатдошларига кўра, «Storm Shadow» Вашингтон ва Лондон Украинага Россиядаги нишонларга узоқ масофали ракеталар билан зарба беришга рухсат бермасдан олдин юборилган. «Bloomberg» манбалари ракеталар Украинага аниқ қачон келгани ёки уларнинг сонини айтишдан бош тортди.
Ноябрь ойи бошида «The Guardian» Буюк Британия маълум вақтдан бери Украинага «Storm Shadow» ракеталарини етказиб бермагани ҳақида ёзган эди. Манбаларнинг «Тhe Times» нашрига айтишича, бунга таъминот етишмаслиги сабаб бўлиши мумкин.
Украина қуролли кучлари 20 ноябрь куни Россияга зарба бериш учун Британиянинг «Storm Shadow» ракеталаридан илк бор фойдалангани хабар қилинган. Ракета қолдиқларини ўша куни Курск вилоятидаги Марйино қишлоғи аҳолиси аниқлаган. «Storm Shadow»дан фойдаланиш Украина Қуролли Кучлари Россияга Американинг узоқ масофали АТАCМS ракеталари билан биринчи марта — Брянск вилоятидаги ўқ-дорилар омборига ҳужум қилганидан бир кун ўтгач содир бўлди.
21 ноябрь оқшомида Россия президенти Владимир Путин Россия Қуролли кучлари ўрта масофага мўлжалланган экспериментал «Орешник» баллистик ракета мажмуаси ёрдамида Днепрга ракета зарбаси берганини маълум қилди. Унинг сўзларига кўра, Россия буни Украина Қуролли кучлари Ғарбнинг узоқ масофали ракеталарини қўллаганига жавобан қилган.
