Сўнгги янгиликлар
Автобусда йўл ҳақини тўламаганларга рейд бошланди
Мирзиёев Самарқандга етиб борди
Самарқандда 16 ёшли йигит дарахт тагида қолиб вафот этди
Россияда ўзбекистонлик йигит ўғирлаб кетилди
Қашқадарёда уч кунлик чақалоғини сотмоқчи бўлган аёл қамалди
Самарқанд саммити: “Марказий Осиё – Европа Иттифоқи” мулоқоти Ўзбекистонга нима беради?
Самарқанд – Европа ва Марказий Осиё мулоқотининг маркази…
Нодирбек Абдусатторов жаҳоннинг топ-6 шахматчилари орасида
Абхазия аҳолиси Россия билан инвестиция шартномаси имзоланишига норозилик билдириб, парламент биносини эгаллаб олди
Ўзини мустақил деб эълон қилган Абхазия пойтахти – Сухумда халқ Россия Федерацияси билан инвестиция шартномаси қабул қилинишига қарши норозилик билдирган ҳолда парламент ҳудудига бостириб кирди.
Шу фонда мамлакат парламенти мажлис кун тартибини тасдиқламади ва сессияни бекор қилди, деб хабар беради «Эхо Кавказа». Улар Москва билан келишувни тасдиқламоқчи эдилар. Депутатлар ва вазирлар ҳукумат бинолари мажмуасини тарк этишди.
Намойишчилардан бири Адгур Ардзинба ҳукуматга мурожаат қилиб, «барча долзарб масалаларни бўлажак президентлик сайловларигача қолдиришни» сўради.
«Агар ҳукумат бунга рози бўлмаса, яқин кунларда юзага келиши мумкин бўлган оқибатлар учун барча жавобгарлик тўлиқ Абхазия президенти Аслан Бжания ва унинг атрофидагилар зиммасига тушади», — деб ёзади у.
Кейинроқ намойишчилар ҳукумат биноларига бостириб киришди, тан олинмаган республика президент маъмурияти республикадаги вазиятни барқарорлаштириш мақсадида парламентдан Россия билан тузилган сармоявий битимни бекор қилиш бўйича ҳужжат тайёрланаётганини маълум қилди.
Абхазия собиқ иқтисодиёт вазири Адгур Ардзинбанинг айтишича, ҳозир президент Аслан Бжания Россияга қўнғироқ қилиб, Москвани мамлакатда «туркпараст» ва «ғарбпараст кучлар» томонидан давлат тўнтариши амалга оширилганига ишонтиришга уринмоқда. Бир гуруҳ депутатлар президент истеъфосини талаб қилди.
Россия Ташқи ишлар вазирлиги россияликларга Абхазияга саёҳат қилмасликни тавсия қилди. Москва республиканинг ички ишларига аралашмайди ва вазият фақат тинч сиёсий йўл билан ҳал қилинишини кутади, деди департамент расмийси Мария Захарова.
