Сўнгги янгиликлар
Самарқанддаги саммит, халқаро алоқаларни мустаҳкамлаш учун замин яратмоқда...
Бухоронинг тупроқ таркиби ва уларнинг организмларга таъсири тўғрисида ўтказилган тадқиқотлар натижаси эълон қилинди
Автобусда йўл ҳақини тўламаганларга рейд бошланди
Мирзиёев Самарқандга етиб борди
Самарқандда 16 ёшли йигит дарахт тагида қолиб вафот этди
Россияда ўзбекистонлик йигит ўғирлаб кетилди
Қашқадарёда уч кунлик чақалоғини сотмоқчи бўлган аёл қамалди
Самарқанд саммити: “Марказий Осиё – Европа Иттифоқи” мулоқоти Ўзбекистонга нима беради?
Ўзбекистон Ички ишлар вазирлиги Туркия билан ҳамкорликни кучайтирмоқда
Жорий йилнинг 12 сентябрь куни Ички ишлар вазири генерал-лейтенант Пўлат Бобожоновнинг Ўзбекистонда расмий ташриф билан бўлиб турган Туркия Республикаси Ички ишлар вазири Али Ерликая бошчилигидаги делегация билан учрашув ўтказди. Бу ҳақда ИИВ матбуот хизмати хабар бермоқда.
Қайд этилишича, Туркия делегациясининг Ўзбекистонга ташрифи Давлат раҳбарининг жорий йил 6-7 июнь кунлари ушбу мамлакатга амалга оширган расмий ташрифи давомида эришилган келишувларига мувофиқ амалга оширилмоқда.
Таъкидланишича, тадбир жараёнида, томонлар икки мамлакат ички ишлар вазирликларининг ўзаро алоқалари кенгайиб, трансмиллий жиноятларга қарши курашиш ҳамда жамоат хавфсизлигини таъминлаш бўйича тизимли ҳамкорлиги янги босқичга кўтарилгани, бу жараёнда вазирликлар ўртасида ахборот ва ўзаро тажриба алмашиш, кадрлар малакасини ошириш ҳамда икки томонлама ташрифлар жадал амалга оширилаётгани эътироф этилган.
Шунингдек, икки вазирлик ўртасида профессионал кадрларни тайёрлаш борасида ҳам яқин алоқалар ўрнатилган. Бунга, 2018 йилда Туркия Полицияси академияси ҳамда 2022 йилда Жандармерия ва соҳил хавфсизлиги академиясининг Ўзбекистон Ички ишлар вазирлиги Академияси билан имзоланган меморандумлари яққол мисол бўла олади, дея таърифлайди вазирлик.
Ўзаро келишувларнинг амалий ижросини таъминлаш мақсадида, бугунги кунда, Туркия ҳуқуқни муҳофаза қилиш идоралари ўқув юртларининг профессор-ўқитувчилари Ўзбекистонда соҳа курсантларини тайёрлашда, шунингдек магистратура тингловчиларига замонавий билим бериш жараёнларида ҳам фаол қатнашмоқда.
Ҳамкорликнинг алоҳида йўналиши кибержиноятчиликка қарши самарали курашиш масаласида бўлиб, бу борада икки томонлама ҳамкорликни кучайтириш ҳамда доимий равишда ўзаро тажриба алмашиб бориш муҳим эканлиги таъкидланган.
Тадбирда томонлар терроризм ва экстремизм, одам савдоси, гиёҳванд моддаларнинг ноқонуний савдоси ҳамда бошқа турдаги трансмиллий жиноятларга қарши курашишда ҳамкорликни кучайтириш, кибержиноятларга қарши курашиш ва рақамли криминалистика йўналишида ички ишлар органлари ходимлари учун махсус ўқув курсларини ташкил этиш, Вазирлик таркибида янги ташкил этилган Криминология тадқиқот институти билан Туркиянинг Ички ишлар вазирлиги ва Жандармериясига қарашли илмий тадқиқот марказлари ўртасида ўзаро ҳамкорликни йўлга қўйиш каби муҳим масалаларни муҳокама қилинган.
Дўстона ва конструктив руҳда ўтган учрашувда ўзаро ҳамкорликни ривожлантириш борасида истиқболли вазифалар белгилаб олинган. Ўзбекистонга ташриф жараёнида турк ҳамкорлар Тошкент шаҳри ҳамда Самарқанд вилоятида туристик объектларнинг хавфсизлигини таъминлаш фаолияти билан ҳам танишиши кутилмоқда.
