Сўнгги янгиликлар
Туркиядаги Халқ кутубхонаси жаҳон кутубхоналари учун андаза бўлмоқда
Иқтисодчи Отабек Бакиров Ўзбекистонда меҳнат таътили кунлари 24 кундан 21 кунга камайтирилди деб ёзди, аслида эса 15 кундан 21 кунга оширилган ва тўланадиган маблағ ҳам кўпайтирилган бўлиб чиқди
Ҳайвон ҳам бунчалик хўрланмайди – Оққўрғондаги зўравонлик ҳақида очиқланмаган фактлар…
Шавкат Мирзиёев Мудофаа саноати агентлигининг Инновацион технологиялар марказига ташриф буюрди
Ҳар қандай масалага қулай позицияда эмас, ҳар томонлама ва холисона ёндошиш керак – Насимбек Азизов
Қурилиш майдонида одам ҳалок бўлган «Аския Cитй»да 5 йилдан буён ноқонуний қурилиш давом этаётгани маълум бўлди
Россияда самолёт қаттиқ қўниши оқибатида икки киши ҳалок бўлди
Нурота тумани «Мурувват» уйида ёш шоир Шоди Ражабовнинг «Ҳаётни севинг» номли шеърий тўпламининг тақдимоти бўлиб ўтди
Россия махсус кучлари Волгоград вилоятида колониядаги гаровга олинганларни озод қилди
Бугун, 23 август куни Волгоград вилоятидаги Суровикино шаҳридаги 19-сонли колония маҳкумлари интизомий комиссия йиғилиши вақтида калония ходимларни гаровга олган. Рус манбалари гумондорлар Ўзбекистон ва Тожикистон фуқаролари эканлиги ҳақида хабар бермоқда.
Россия гвардияси снайперлари қамоқхона ходимларини гаровга олган тўрт нафар маҳбусни зарарсизлантирди, деб хабар берди РИА Новости агентлигига Россия гвардияси матбуот хизмати.
“Россия гвардиясининг Волгоград вилоятидаги махсус бўлинмаси снайперлари қамоқхона ходимларини гаровга олган тўрт нафар маҳбусни тўртта аниқ ўқ билан зарарсизлантиришди”, — дея хабар бермоқда Риа Новости Россия департаменти манбасига таяниб.
Маълумот учун, бугун, 23 август куни Волгоград вилоятидаги Суровикино шаҳридаги 19-сонли колония маҳкумлари интизомий комиссия йиғилиши вақтида калонна ходимларни гаровга олди. Дастлабки маълумотларга кўра, камида бир киши ҳалок бўлган.
Жазони ижро этиш федерал хизматининг тўрт нафар ходими жароҳат олиб, Суровикино марказий туман касалхонасига ётқизилган. Улардан икки нафарининг аҳволи оғир, яна икки нафарининг аҳволи ўртача оғир. Жабрланганлар операция қилинмоқда.
Бир қанча Телеграм каналларида айбланаётган жиноятчилар ҳақида маълумотлар эълон қилинди. Булар 1995 йилда туғилган Рамзидин Тошев, 1996 йилда туғилган Низирчон Тошов, 2001 йилда туғилган Рустамчон Наврўзий ва 1995 йилда туғилган Темур Хусиновлардир. Улар Ўзбекистон ва Тожикистон фуқаролари.
Суд ҳужжатларига кўра, ҳужум қилган тўрт нафар фуқаронинг уч нафари (Тошев, Тошов ва Наврўзий) наркотик моддалар савдоси учун жазони ўтаётган бўлган. Ҳусинов эса кўчадаги муштлашув чоғида фуқарони калтаклаб ўлдиргани учун қамоққа тушган.
Тергов қўмитаси томонидан гаровга олиш ва ахлоқ тузатиш муассасалари фаолиятига тўсқинлик қилиш моддалари бўйича жиноят иши қўзғатилган.
