Сўнгги янгиликлар
Давлат тилида маълумот бермаган ресторанга чора кўрилди
Глобал ишлаб чиқарувчиларга АҚШда жорий этилган божлар Ўзбекистон учун фойдали бўлиши мумкин
Анталия: қадимий харобалар, сўнмас олов, Мовий байроқли пляжлар
Шавкат Мирзиёевнинг “Марказий Осиё – Европа Иттифоқи” биринчи саммитида нутқ сўзлади
Самарқанддаги саммит, халқаро алоқаларни мустаҳкамлаш учун замин яратмоқда...
Бухоронинг тупроқ таркиби ва уларнинг организмларга таъсири тўғрисида ўтказилган тадқиқотлар натижаси эълон қилинди
Автобусда йўл ҳақини тўламаганларга рейд бошланди
Мирзиёев Самарқандга етиб борди
«Менга уй беринг», «менга пул беринг»: Сирдарё ҳокимининг қабулига кимлар ёрдам сўраб келмоқда?
Бугун, 13 август куни Сирдарё ҳокими Акмалжон Маҳмудалиевнинг мавжуд муаммоларни аниқлаш ҳамда уларни жойида бартараф этиш мақсадида ташкил қилинган қабулида 50 нафарга яқин жисмоний ва юридик шахслар иштирок этган.
Таъкидланишича, мурожаатларнинг 20 га яқини жойида ижобий ҳал этилиб, 8 тасига ҳуқуқий тушунтириш берилган. Қўшимча ўрганиш ва вақт талаб қилинадиган мурожаатлар юзасидан масъуллар бириктирилиб, ижроси назоратга олинган.
Қабулда ҳали ҳам «менга уй беринг», «менга пул беринг» (моддий ёрдам) мазмунидаги мурожаатлар кўп бўлади, мутасаддилар эса бир неча марта «биз сизга уй олиб беролмаймиз, бундай тартиб йўқ, субсидия олинг, аммо бунга ҳам аралаша олмаймиз, бунинг ўз талаблари, низоми бор», деб эслатишларига тўғри келмоқда.
Вилоят ҳокими ҳақиқий моддий ёрдамга муҳтож фуқароларга кўмак берилишини, аммо ўзи ёки оила аъзоларидан бирортаси меҳнатга лаёқатли бўла туриб, ёрдам сўраётганларга ишлаш ва даромад олишлари учун зарур барча имкониятлар яратиб берилишини айтган.
Ажабланарлиси вилоят ҳокими қабулига суд билан битадиган ишлар юзасидан ҳам кўплаб мурожаат келмоқда. Ҳатто, суд қароридан норози бўлиб қабулга келганлар ҳам бўлган. Уларга бу каби масалалар билан қаерга мурожаат этиш лозимлиги тушунтирилган.
Даволаниш учун ордер, шунингдек, йўл, коммунал соҳа, хусусан, электр, ичимлик суви таъминотини яхшилашни сўраб келганлар ҳам бор. Бундай масалалар юзасидан жойида ҳал этиш учун тегишли масъулларга топшириқ берилган.
