Сўнгги янгиликлар
«Ўзбекгидроэнерго» АЖнинг халқаро кредит рейтинги BB даражасига кўтарилди
Фарғонада ноқонуний қурилиш ортида қонунбузарликлар яширинми?
Маҳаллий Кенгашлар фаолиятида янги босқич: ислоҳотлар ва имкониятлар
Туркия туризм бўйича дунёда 4-ўринга чиқди
Туркиянинг сеҳрли сув ости дунёси ҳақида нималар маълум?
"Strongmen Games": Кучлилар аниқланди
Туркиядаги энг мафтункор яхта манзиллари
«Ўзларингизга яхши бўлмайди» – Оқдарё ҳокимлиги фермерлар пилла режасини топширишга мажбур эканлигини айтган «зам» ҳокимнинг ҳаракатларини оқлаб чиқди
Бош прокурорнинг Ўзбекистон аҳолисига йўллаган мурожаатида кўрсатилган масалалар бўйича маълумот берилди
АОКАда Бош прокуратура ахборот хизмати раҳбари Ҳаёт Шамсуддинов иштирокида ўтказилган брифингда Бош прокурорнинг Ўзбекистон аҳолисига йўллаган мурожаатида қайд этилган масалалар ижроси юзасидан амалга оширилган ишлар, кўрилган чоралар юзасидан маълумот берилди. Қайд этилишича, аввало, аҳолини қийнаётган муаммоларни аниқлаш ва уларни тезкорлик билан бартараф этишга алоҳида эътибор қаратилган.
Жумладан, прокурорлар секторларидаги «Темир дафтар»га киритилган оилаларга ҳар томонлама кўмак бериш, «Аёллар» ва «Ёшлар дафтарлари»га киритилган хотин — қизлар ва ёшларнинг ҳуқуқларини ҳимоя қилишга доир ишлар изчил давом эттирилмоқда.
Ўтган даврда 2 минг 739 нафар ёшларнинг иш билан таъминланишида, 5 минг 123 нафарига ижарага ер ажратилишида, 1 минг 181 нафарининг тадбиркорликка жалб этилишида, 4 минг 048 нафарига ўзини ўзи банд қилишида, 3 минг 773 нафарининг касб — ҳунар ва хорижий тилларни ўрганиш курсларида ўқитилишида кўмаклашилган.
Маҳаллаларда «Обод хонадон», «Обод кўча» ва «Обод маҳалла» мезонларини жорий этиш борасида ҳам тизимли ишлар амалга оширилмоқда. Эҳтиёжманд аҳолини ҳар томонлама қўллаб қувватлаш мақсадида 548 нафар аҳоли хонадони таъмирлаб берилди ҳамда 1 минг 482 та хонадон ободонлаштирилган. Шунингдек, ҳудудларни ободонлаштириш, ижтимоий ва бошқа объектлардаги муаммоларни бартараф этишга алоҳида эътибор қаратилиб, 83,3 км. ички йўлларга шағал, 33,6 км. йўлга асфальт ётқизилди, 38,8 км. пиёдалар йўлакчалари барпо этилди ҳамда 10 та мактабгача таълим ташкилоти, 9 та мактаб, 1 та тиббиёт муассасаси таъмирланган.
Аҳоли бандлиги, янги иш ўринларини яратишга қаратилган дастурлар ижроси устидан назорат кучайтирилган ҳолда олиб борилмоқда.
Хусусан, аҳоли бандлигини таъминлаш соҳасидаги ўрганишларда 1,8 млн. янги иш ўринлари ҳисоботларга қўшиб ёзилганлиги аниқланиб, айбдор шахслар тегишли жавобгарликка тортилган.
Бундан ташқари, прокурорлар ташаббуси билан ўтказилган бўш иш ўринлари меҳнат ярмаркаларида 6 минг 136 нафар ишсиз фуқаролар ишга жойлаштирилган.
Экологик хавфсизликни таъминлаш, Яшил маконларни кўпайтириш масалаларига ҳам алоҳида эътибор қаратилмоқда. «Яшил макон» умуммиллий лойиҳаси доирасида амалга оширилган ишлар аҳволи ўрганилганида, 541 та ҳолатда амалда экилмаган 1 миллиондан зиёд кўчат ҳисоботларга қўшиб ёзилганлиги, 580 мингтаси суғориш тизими мавжуд бўлмаган жойларга экилганлиги ва 19 мингдан ортиқ кўчат ўз вақтида экилмаганлиги сабабли нобуд қилинганлиги аниқланиб, кескин чоралар кўрилган.
Таълим соҳасидаги ўз ечимини топмаган масалаларнинг сабабларини аниқлаб, уларни ҳал этиш бўйича чоралар доирасида аниқланган қонун бузилиши ҳолатлари юзасидан 235 нафар шахс интизомий, маъмурий ва моддий жавобгарликка тортилди, 32 та жиноят иши қўзғатилди ҳамда 1 минг 200 нафардан ортиқ шахсларнинг бузилган ҳуқуқлари тикланди.
Хусусан, фаолияти ўрганилган 13 та олий ва профессионал таълим муассасаларида аниқланган бюджет маблағларидан мақсадсиз фойдаланиш ва талон-торож қилиш ҳолатлари бўйича 14 та жиноят ишлари қўзғатилган.
Тадбиркорларга ҳар томонлама кўмак бериш, уларнинг фаолиятига ноқонуний аралашувлар ва бюрократик тўсиқларни бартараф этишга доир вазифалар ижросига қаратилган.
Хусусан, ўтган даврда тадбиркорлар, шу жумладан хорижий инвесторларнинг
15 минг 210 нафарига «Тез ёрдам» тамойили асосида амалий ёрдамлар кўрсатилган.
Шундан, 3 минг 366 нафар тадбиркорга 537 млрд. сўмлик кредит, 317 нафарига ер майдони, 80 нафарига бино ажратилиши, 551 нафарига рухсатнома ва лицензия берилиши, 4 минг 938 нафарини муҳандислик тизимига уланишида амалий кўмак берилган.
Натижада, фаолият кўрсатмаётган 5 минг 701 та тадбиркорлик субъектларининг фаолияти қайта тикланиши ҳисобига 7 мингдан ортиқ ш ўринлари йўқотилишининг олди олинган.
Шунингдек, 6 минг 293 та янги тадбиркорлик субъектлари ташкил этилиб, 14 минг 299 та янги иш ўринлари яратилишига эришилди.
Шу билан бирга, 10 минг 789 та ҳолатда тадбиркорлик фаолиятига ноқонуний аралашув ва бюрократик тўсқинликлар аниқланиб, бартараф этилди ҳамда 8 минг 030 нафар тадбиркорларнинг бузилган ҳуқуқлари тикланган.
Кредит маблағлари талон — торожлигининг олдини олиш, муаммога айланган кредит қарздорликларининг қайтарилишини таъминлаш ишлари устидан назорат янада кучайтирилган.
Прокуратура органларининг аралашуви билан қарздорликларнинг 8,5 трлн. сўми амалда ундирилган, 7 трлн. Сўмлик кредитлар бўйича гаровдаги мулкларнинг сотувга чиқарилиши таъминланди, 1,2 трлн. сўмлик ижро ҳужжатлари бўйича ундирув қарздорларнинг иш ҳақига қаратилган.
Ўтказилган назорат тадбирларида кредит маблағларининг 1,6 трлн. сўми талон — торож қилинганлиги аниқланиб, банк ва мижоз корхоналар раҳбарларига нисбатан 609 та жиноят
ишлари қўзғатилган. Амалга оширилган тадбирлар натижасида жами 17,5 трлн. сўмлик ёки 66 фоиз муаммоли кредитлар қисқартирилган.
Қурилиш сифати ва маблағлардан мақсадли фойдаланишга алоҳида эътибор қаратилиб, 27 млрд. сўмлик сифатсиз ишлар ва 45 млрд. сўмлик қўшиб ёзиш ҳолатлари жойида бартараф этилди ва ҳуқуқбузарликлар олди олинган. Мисол учун, Янгиер шаҳридаги «Янги Ўзбекистон» массивида иссиқлик тизимини қуриш объектида (қиймати 5,3 млрд сўм) ҳисоботларга қўшиб ёзилган 2 млрд. сўмлик ишлар бартараф этилиши таъминланди.
Олиб борилган назорат тадбирларида қонунни бузган 139 нафар шахс интизомий ва маъмурий жавобгарликка тортилди, 598 нафар мансабдор шахслар расман огоҳлантирилди, 32 та жиноят ишлари қўзғатилиб, давлатга етказилган
17,6 млрд. сўми ундирилган.
Хуқуқбузарликлар ва жиноятчиликка қарши курашиш борасидаги тадбирлар тизимли равишда давом эттирилмоқда.
Кўрилган чоралар натижасида маҳаллаларнинг 5268 тасида ёки 55,7 фоизида жиноят қайд этилмади, 3 минг 362 таси ёки 35,6 фоизида жиноятчилик барқарор сақланиб қолинишига ва камайишига эришилган.
Тезкор-қидирув соҳасида ҳам назорат кучайтирилиб, ноаниқ шароитларда содир этилган 9 минг 124 та жиноят фош этилиши ҳамда қидирувда бўлган 4090 нафар шахснинг ушланиши таъминланган.
Терговга қадар текширув, суриштирув ва дастлабки терговда қонунчиликка риоя этилишини таъминлаш чоралари доирасида:
– суриштирув ва тергов органларининг 36 минг 512 нафар шахсга нисбатан 29 минг 210 та жиноят иши ўрганилиб, судларга юборилди;
Бевосита прокуратура органлари томонидан:
– 7 минг 451 та жиноят иши юзасидан дастлабки тергов ўтказилиб, 6 минг 661 нафар шахсга нисбатан 4 минг 331 та жиноят иши судларга
юборилди, жиноят оқибатида етказилган 1,7 трлн. сўмлик зарар ундирилган.
Фаолият ошкоралигини таъминлаш ҳамда аҳолининг ҳуқуқий маданиятини юксалтириш соҳасида:
– аҳолига янги қабул қилинган қонунларнинг мазмун — моҳиятини етказиш мақсадида 75 минг 317 та тадбир ташкил этилди,
шундан 21 минг 682 таси оммавий ахборот воситалари орқали амалга оширилди;
– Бош прокуратура расмий веб — сайтида 2 минг 067 та, ижтимоий тармоқлардаги расмий саҳифаларида 6 минг 201 та тезкор хабарлар, юқори резонансга сабаб бўлган воқеа ва ҳодисалар ҳақидаги баёнотлар эълон қилинган.
Прокуратура тизимида амалга оширилган ишлар ҳақида 12 та брифинг тадбирлари ўтказилган.
