Сўнгги янгиликлар
Ўзбекистоннинг ветеринария соҳасидаги тажрибаси халқаро миқёсда эътироф этилди
Туркияда “Тунги музейлар” лойиҳаси июнь ойида янги мавсумини бошлайди
Ўзбекистонга C гепатитига қарши дорининг жорий йилдаги илк партияси олиб келинди
Қибрайликлар оёққа турди. Сабаби нима?
5 минг йиллик тарихга эга Бирги қишлоғи ҳақида нималар маълум?
Изник: насронийликнинг тирик музейи
Анталиянинг яширин хазиналари ҳақида эшитганмисиз?
Анқара замонавий меъморий мероси билан ЮНEСКО рўйхатига киритилди
Туркияда Интерпол қидирувида бўлган 42 киши қўлга олинди. Улар орасида ўзбеклар ҳам бор
Туркия ҳуқуқ-тартибот идоралари «Kafes-3»1 операцияси доирасида 12 давлатда Интерпол асосида қидирувда бўлган жами 42 нафар шахсни қўлга олди. Бу ҳақда мамлакат ички ишлар вазири Али Ерлиқоя ижтимоий тармоқда маълум қилди.
Операция Разведка ва хавфсизлик бош бошқармаси, Контрабанда ва уюшган жиноятчиликка қарши кураш бошқармаси ҳамда Туркия Ички ишлар вазирлигининг Интерпол-Европол департаменти ҳамкорлигида ўтказилган.
Гумонланувчилар Германия, Озарбойжон, Босния ва Герцеговина, Эрон, Швеция, Финляндия, Қозоғистон, Қирғизистон, Миср, Россия, Туркманистон ва Ўзбекистон сўровига кўра қидирувга берилган. Қўлга олинган ўзбекистонликларнинг сони ва исми-шарифи хабарда келтирилмаган.
Ерлиқоя қўлга олинганларнинг уюшган жиноий гуруҳга аъзолик, ноқонуний қурол савдоси, гиёҳванд моддалар савдоси, қасддан одам ўлдириш, ноқонуний миграция, молиявий фирибгарлик, талончилик ва ўғирлик, расмий ҳужжатларни қалбакилаштириш ва солиқ тўлашдан бўйин товлаш каби жиноятлар билан боғлиқлигини айтди.
Маълумот ўрнида, 2024 йил бошидан буён «Kafes-31» операцияси доирасида Интерполнинг қизил хабарномаси» билан қидирувда бўлган 114 киши қўлга олинган.
