Сўнгги янгиликлар
Тошкентдаги кўчалардан бири 1 ойга ёпилди
Истанбулдан Тошкентга учган самолётда чақалоқ дунёга келди
Наманганда халқаро террористик ташкилот тарафдорлари фош этилди
Канада ва Германиядан ҳам яхшироқ: Ўзбекистон хавфсизлик даражаси бўйича юқори натижани қайд этди
Пластик карта орқали пора олган божхона инспекторига жиноят иши қўзғатилди
«UzAuto Motors» АЖдан мижозлар учун янгилик
Туркия ва Ўзбекистон ўртасида туризм соҳасидаги ҳамкорлик янги босқичга чиқмоқда
Саида Мирзиёевада янги ваколатлар
Қувайтнинг янги амири қасамёд қабул қилди
Бугун, 20 декабрь куни Машаал ал-Жобир ал-Аҳмад ал-Сабоҳ акаси вафот этганидан сўнг, Кувайт Миллий Ассамблеяси олдида қасамёд қилди. Бу ҳақда Қувайт телевидениеси хабар бермоқда.
Миллий телевидение орқали жонли эфирда қасамёд қилар экан Сабоҳ, “Халқимиз эркинликлари ва манфаатларини ҳимоя қилиш, давлатимиз ерларида тинчлик учун хизмат қилишга қасамёд қиламан” деди.
Қувайтнинг янги амири 2020 йил октябр ойида валиаҳд шаҳзода бўлди. У мамлакатни 1921—1950 йилларда бошқарган, Қувайт амири Аҳмад Ал-Жобир Ал Муборак Ал Сабоҳнинг еттинчи ўғли ҳисобланади.
Сабоҳ Британия таълим муассасаларидан бирининг полиция бўлимини битирган ва Қувайт Ички ишлар вазирлигида 20 йилга яқин турли лавозимларда ишлаган.
Шунингдек, у 2004 йилда Миллий гвардия бошлиғининг ўринбосари этиб тайинланган ва узоқ вақт давомида ушбу тизимни такомиллаштириш устида ишлаган.
Қувайт ОАВларининг ёзишича, янги амир давридаги ташқи сиёсати мамлакатнинг аввалги ҳукмдорлари билан уйғун бўлиши ва биринчи навбатда Қувайтнинг Форс кўрфазидаги араб қўшнилари билан алоқаларини мустаҳкамлашга қаратилган сиёсат олиб бориши кутилмоқда.
Эслатиб ўтамиз, шанба куни амирал ишлар вазири Муҳаммад Абдуллоҳ ал-Муборак ас-Сабоҳ давлат телевидениеси орқали 2020 йил сентябридан бери тахтда турган амир Наваф ал-Аҳмад ал-Жобир ас-Сабоҳ 86 ёшида вафот этганини эълон қилди. Шу муносабат билан мамлакатда 40 кунлик мотам эълон қилинди.
