Сўнгги янгиликлар
«Афсуски, айрим «Ишонч телефонлари» номига ташкил қилинган ёки умуман ишламайди» – Акмал Бурхонов
«Босим ўтказилаётгани тўғрисидаги хабарлар асоссиз» – «Ўзбектелеком» HUMANS иши бўйича муносабат билдирди
Ўзбекистоннинг ветеринария соҳасидаги тажрибаси халқаро миқёсда эътироф этилди
Туркияда “Тунги музейлар” лойиҳаси июнь ойида янги мавсумини бошлайди
Ўзбекистонга C гепатитига қарши дорининг жорий йилдаги илк партияси олиб келинди
Қибрайликлар оёққа турди. Сабаби нима?
5 минг йиллик тарихга эга Бирги қишлоғи ҳақида нималар маълум?
Изник: насронийликнинг тирик музейи
Афғонистонга электр энергияси экспорти тўхтатилгани йўқ — Энергетика вазирлиги
Энергетика вазирлиги DABS энергетика компанияси вакилининг иддаоларини рад этди.
Ўзбекистон Афғонистонга электр энергияси етказиб беришда давом этмоқда, дея хабар бермоқда Энергетика вазирлиги матбуот хизмати.
Маълум бўлишича, ҳозирда битта “Наибобот 1” электр узатиш тармоғи орқали электр энергияси етказиб берилмоқда, иккинчи “Наибобот 2” тармоғида техник носозликлар туфайли таъмирлаш ишлари олиб борилмоқда.
Шу муносабат билан Афғонистонга электр энергияси экспорти қисқарган, бироқ тўхтатилгани йўқ. Шу кунларда 125 МВт электр энергияси етказиб берилмоқда.
Қайд этиш керак, Афғонистоннинг DABS энергетика компанияси вакили Ҳикматулла Майванди ўзининг видеомурожаатида Ўзбекистон ўз электр тармоқларидаги муаммолар туфайли Қобул олдидаги шартнома мажбуриятларини вақтинча бажара олмаганини маълум қилди.
Маълумот учун, Da Afghanistan Breshna Sherkat (DABS) – мустақил ва автоном компания бўлиб, Афғонистоннинг "Корпорациялар ва чекланган жавобгарлик тўғрисида"ги қонунига мувофиқ ташкил этилган. ДАБС масъулияти чекланган жамият бўлиб, барча акциялари Афғонистон ҳукуматига тегишли.
Компания 2008 йил 4 майда ташкил этилган. DABS бутун Афғонистон бўйлаб электр энергиясини ишлаб чиқариш, импорт қилиш, узатиш ва тақсимлашни тижорат асосида бошқаради.
Изоҳлар 1
