Сўнгги янгиликлар
Сторителлинг ва мутолаанинг инсон ривожидаги ўрни...
Парламентда Нукус воқеалари бўйича тузилган комиссия ахбороти тингланди
Навоийга Монголиядан 1000 бошга яқин Баят зотига мансуб қўйлар олиб келинди
Фаоллар айтаётган “иқтидор” эгаси оддий “Виртуал валютачи” бўлган...
Рустам Минниханов бошчилигидаги Татаристон делегацияси Навоий вилоятига ташриф буюрди
Тожикистоннинг Конибодомида яна тўрт кишининг жасадлари топилди. Маҳаллий аҳоли ваҳимада
Таҳлил қилинган давлат харидларида «Давлат харидлари тўғрисида»ги қонуннинг тегишли модда талаблари бузилганлик ҳолатлари аниқланди
Ички аудит хизмати ходимларининг фаолияти самарадорлигини баҳолаш тартиби белгиланди
«Бачадон бўйни саратони касаллиги – глобал муаммо ва Ўзбекистон ҳам бундан четда қолмаган» — Саида Мирзиёева
Президент ёрдамчиси Саида Мирзиёева бачадон бўйни саратони касалигига қарши миллий дастур яратилаётганини маълум қилиб, барчани ушбу касаллик ҳақида билимларини оширишга ундади.
“Бачадон бўйни саратони касаллиги – глобал муаммо ва Ўзбекистон ҳам бундан четда қолмаган. Ушбу касаллик билан курашишда чала-чулпа ҳаракатлар ҳеч қандай натижа бермайди.
Бугун – Бачадон бўйни саратонига қарши ҳаракатлар кунида Ўзбекистоннинг ушбу касаллик профилактикаси ва унга қарши курашиш бўйича интилишларини яна бир бор таъкидлашни истардим. БМТ Глобал қўшма дастури ёрдамида биз юртимиздаги ҳар бир аёлнинг саломатлигини асраш учун жиддий ҳаракат қилишимиз лозим. Ташхис қўйиш, даволаш ва паллиатив ёрдам кўрсатишга қодир барқарор соғлиқни сақлаш тизимини яратишимиз керак.
Ижтимоий соҳага масъул жамоамиз билан янги миллий дастурни яратиш устида иш олиб бормоқдамиз. Ниҳоят, юртимизнинг ҳар бир бурчагидаги аёлларга ташхис қўйиш ва даволаш учун барча шароитлар яратилади.
Мен бу дарднинг олдини олиш, ўз вақтида даволаш учун барчани ушбу касаллик ҳақида ўз билимларини оширишга чақираман.
Саъй-ҳаракатларимиз халқаро ҳамкорларимизнинг беқиёс мададидан куч олмоқда. Биргаликда биз бу балони енгамиз!”, — деб ёзди Мирзиёева ўзининг Telegram каналида.
