Сўнгги янгиликлар
Сторителлинг ва мутолаанинг инсон ривожидаги ўрни...
Парламентда Нукус воқеалари бўйича тузилган комиссия ахбороти тингланди
Навоийга Монголиядан 1000 бошга яқин Баят зотига мансуб қўйлар олиб келинди
Фаоллар айтаётган “иқтидор” эгаси оддий “Виртуал валютачи” бўлган...
Рустам Минниханов бошчилигидаги Татаристон делегацияси Навоий вилоятига ташриф буюрди
Тожикистоннинг Конибодомида яна тўрт кишининг жасадлари топилди. Маҳаллий аҳоли ваҳимада
Таҳлил қилинган давлат харидларида «Давлат харидлари тўғрисида»ги қонуннинг тегишли модда талаблари бузилганлик ҳолатлари аниқланди
Ички аудит хизмати ходимларининг фаолияти самарадорлигини баҳолаш тартиби белгиланди
«Ўзбекистон ва Хитой табиат дурдоналари»: Тошкентда «Бир макон – бир йўл» ташаббусининг 10 йиллигига бағишлаб кўргазма очилди
Жорий йилнинг 28 октябрь куни Ўзбекистон тарихи давлат музейида “Бир макон – бир йўл” ташаббусининг 10 йиллигига бағишланган “Ўзбекистон ва Хитой табиат дурдоналари” Ўзбекистон-Хитой маданий алмашинуви кўргазмаси очилди.
Мазкур тадбирда Экология, атроф-муҳитни муҳофаза қилиш ва иқлим ўзгариши вазирлиги, Бадиий академия, Давлат санъат музейи, Ўзбекистон тарихи давлат музейи, Хитойнинг Ўзбекистондаги тадбиркорлари уюшмаси, “Trans-Asia Gas Pipeline Company Limited” компанияси ва “Шанхай қурилиш гуруҳи” ҳамкорлигида ташкил этилган тадбирда БМТ Бутунжаҳон туризм ташкилоти Бош котиби Зураб Пололикашвили, Экология, атроф-муҳитни муҳофаза қилиш ва иқлим ўзгариши вазири Азиз Абдуҳакимов, республика вазирлик ва идоралари вакиллари, маданият ва санъат намояндалари, тадбиркорлар, санъат арбоблари, Хитой ва Ўзбекистон санъат коллежлари ва олий ўқув юртлари ўқитувчилари ва талабалари, оммавий ахборот воситалари ва бошқалар иштирок этишди.
“Ўзбекистон ва Хитой ўртасида барча соҳаларда самарали ҳамкорлик алоқалари йўлга қўйилган. Хусусан, айнан Хитой Халқ Республикаси томонидан илгари сурилган улкан халқаро платформа ҳисобланган “Бир макон, бир йўл” ташаббуси саноат, энергетика, инфратузилмани ривожлантириш, транспорт, логистика, қишлоқ хўжалиги, туризм, таълим ва бошқа йўналишлардаги ўзбек-хитой ҳар томонлама стратегик шериклик муносабатларини изчил ривожлантиришга ҳисса қўшиб келмоқда.
Бугун ўз ишини бошлаган “Ўзбекистон ва Хитой табиат дурдоналари” кўргазмаси икки давлат маданиятлари ўртасидаги ҳамоҳангликни акс эттиради. Қолаверса, ўзбек ва хитой рассомлари учун ўзаро тажриба алмашиш имконини бериши билан ҳам аҳамиятлидир”, — деди Азиз Абдуҳакимов
“Ўзбекистон ва Хитой давлатлари Бутунжаҳон туризм ташкилоти фаолиятида муҳим ўрин эгаллайди. Хусусан, UNWTO Бош Ассамблеясининг юбилей 25-сессияси Ўзбекистонда, Самарқандда ўтказилди.
Икки давлат ўртасида туризм соҳасидаги алоқалар тобора ривожланиб бораётгани қувонарли ҳолат, албатта. Бугунги кўргазма эса ўзаро муносабатларни мустаҳкамлаш борасидаги яна бир муҳим қадамдир”, - деди БМТ Бутунжаҳон туризм ташкилоти Бош котиби Зураб Пололикашвили.
Тадбирда, шунингдек, “Макон ва йўл: Ипак йўли” маданий саёҳати ташкилий қўмитаси Бош котиби, Хитой ассоциациясининг Ўзбекистондаги ижрочи вакили ҳамда бир қатор иқтидорли рассомлар, ижодкорларга «Табиат фидоийси» кўкрак нишонлари топширилди.
Кўргазмада ўзбек ва хитой рассомларининг Ўзбекистоннинг энг ноёб диққатга сазовор жойлари, табиат ҳодисалари ва ҳайвонот дунёсини акс эттирган 40 дан ортиқ картиналари намойиш қилинади.
Маълумот учун, кўргазмани жорий йилнинг центабр ойида ўтказиш учун икки давлатнинг тажрибали рассомларининг пленери ташкил этилди.20-центабрдан 5-октабргача 20 нафар хитойлик рассом Ўзбекистон табиати ва анъаналарини акс эттирувчи асарлар яратишди. Пленер давомида ижодкорлар Самарқанд ва Қашқадарё вилоятларида бўлди.
Ўз навбатида, Ўзбекистондан 20 нафар рассом Хитой табиати, анъаналари ва диққатга сазовор жойларини акс эттириш мақсадида Хитой Халқ Республикасига борди.
Яратилган санъат асарлари Ўзбекистон ва Хитойнинг нуфузли музейлари ва кўргазма залларида намойиш этилади. Шунингдек, ҳомийлар ва санъат ихлосмандларининг санъат асарларини ўзлаштириши учун шароит яратиш кўзда тутилган.
Пленерлар якунида Хитой рассомларининг 80 та сурати орасидан ноёб ижодий ишлар кўргазма учун танлаб олинди. Кўргазмада намойиш этиладиган расмларнинг бир қисми «Ипак йўли» туризм ва маданий мерос халқаро университети жамғармасига совға қилинади.
Барча ижодкорлар Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлигининг сертификатлари билан тақдирланади. Кўргазма якунида, 1 ноябрь куни ўзбек рассомлари томонидан яратилган картиналарнинг бир қисми Хитой ҳукуматига топширилади.
Таъкидлаш жоизки, мазкур лойиҳа самараси ўлароқ туризм ва экологияни янги босқичга кўтаришда бадиий санъатнинг аҳамияти алоҳида таъкидланиб, икки давлат ижодкорлари ўртасида ўзаро тажриба алмашиш учун платформа яратилди. Икки мамлакатнинг бетакрор табиати, диққатга сазовор жойлари рассомлар суратларида акс этиши икки халқнинг асрлар оша ўз кучини йўқотмаган анъанавий қадриятидир.
Ўзбекистон ва Хитой ўртасидаги ҳамкорликни янада ривожлантиришда санъатнинг турли йўналишларини ривожлантириш бўйича ўзаро манфаатли лойиҳалар муҳим аҳамият касб этмоқда. Албатта, бундай кенг кўламли алоқаларни янги босқичга кўтариш Янги Ўзбекистон тараққиёти учун муҳим вазифа ҳисобланади.
.jpg)
