Тошкент вилоятида 2023 йилда 34 млрдлик ер участкалари сотилган

Жорий йилнинг биринчи ярим йиллик даври мобайнида Тошкент вилоятида жами 404 та ер участкалари 34 млрд 327 млн сўмга сотилган. Бу ҳақда Давлат кадастрлари палатаси Тошкент вилояти бошқармаси Ахборот хизмати хабар бермоқда. 

Маълум қилинишича, Вазирлар Маҳкамасининг 2022 йил 14 февралдаги 71-сонли ҳамда         2022 йил 30 ноябрдаги 685-сонли қарори асосида 2022-2023 йилда қишлоқ хўжалигида фойдаланилмайдиган бўш ер участкаларини аукцион савдоларига чиқариш юзасидан Давлат кадастрлари палатаси Тошкент вилояти бошқармаси тақдим этган маълумотга кўра, бугунги кунга қадар Тошкент вилоят ҳудудида “Yerхususiylashtirish” автоматлаштирилган ахборот тизимига жами 7,257 та ер участкалари юзасидан таклифлар киритилган.

Шундан 858 таси қишлоқ хўжалиги ерларида ва муҳофаза ҳудудида жойлашгани ҳамда бўш ер эмаслиги аниқланиб рад этилган бўлса, 1,584 та ер участкалари эса ваколатли идоралар томонидан рад этилган. Айни пайтда 2,244 та ер участкалари онлайн саволарга чиқарилган.

Шундан: 

Мулк ҳуқуқи асосида тадбиркорлик фаолияти олиб бориш ва якка тартибдаги уй-жой қуриш учун – 220 та 

Ижара ҳуқуқи асосида тадбиркорлик фаолияти олиб бориш ва кўп қаватли уй-жой қуриш учун –  3,396 та 

Жорий йилнинг биринчи ярим йиллик даври мобайнида жами 404 та ер участкалари 34 млрд 327 млн сўмга сотилган. 

Қуйидаги туманларда бўш ер участкалари сони бўйича юқори кўрсаткичлар қайд этилган: 

Қуйи Чирчиқ туманида – 279 та

Бўка туманида – 288 та

Пискент туманида – 446 та

“Effect.uz”ни “Telegram”да кузатинг

“Effect.uz”ни “Facebook”да кузатинг

“Effect.uz”ни “YouTube”да кузатинг

Effect.uz'ни Инстаграмда кузатинг