Сўнгги янгиликлар
«Афсуски, айрим «Ишонч телефонлари» номига ташкил қилинган ёки умуман ишламайди» – Акмал Бурхонов
«Босим ўтказилаётгани тўғрисидаги хабарлар асоссиз» – «Ўзбектелеком» HUMANS иши бўйича муносабат билдирди
Ўзбекистоннинг ветеринария соҳасидаги тажрибаси халқаро миқёсда эътироф этилди
Туркияда “Тунги музейлар” лойиҳаси июнь ойида янги мавсумини бошлайди
Ўзбекистонга C гепатитига қарши дорининг жорий йилдаги илк партияси олиб келинди
Қибрайликлар оёққа турди. Сабаби нима?
5 минг йиллик тарихга эга Бирги қишлоғи ҳақида нималар маълум?
Изник: насронийликнинг тирик музейи
Вертолёт, олтин қуймалар ва парик — Пригожиннинг уйи ва офиси тинтув қилинди
Ҳуқуқ-тартибот идоралари Евгений Пригожиннинг ишхонаси ва уйидан париклар, қурол-яроғ, катта миқдордаги пул ва паспортлар топди, деб хабар бермоқда «Россия 1» телеканалининг «60 дақиқа» кўрсатувида.
Кўрсатувда Пригожиннинг ишхонаси ва уйидан олинган, у ерда катта миқдордаги пуллар, жумладан, валюта, шунингдек, париклар, паспортлар, қурол-яроғлар, уй ҳовлисида турган кичик вертолёт топилгани тасвирланган кадрлари эълон қилинди.
24 июнга ўтар кечаси Ростов-Донуда «Вагнер» ХҲК Жанубий ҳарбий округи штаб-квартирасини эгаллаб олди. Мазкур можаро Евгений Пригожиннинг Россия Қуролли Кучлари гўёки Вагнер лагерларига ракета ва бомбали ҳужумлар уюштиргани ҳақидаги баёнотидан кейин содир бўлди. Бироқ унинг баёнотини Россия Мудофаа вазирлиги ва ФХХ рад этди. Шундан сўнг, Пригожинга қарши қуролли исён уюштирганлик учун жиноий иш очилди.
Россия президенти Владимир Путин қўзғолончиларнинг ҳаракатларини жиноий саргузашт, Россиянинг орқасига пичоқ уриш ва ҳаддан ташқари амбиция ва шахсий манфаатларга олиб келган хиёнат деб атади.
Кейинчалик Беларус президенти Александр Лукашенко Путин билан келишилган ҳолда Пригожин билан музокаралар ўтказди, шундан сўнг Лукашенконинг матбуот хизмати Пригожин унинг Россияда «Вагнер» ҳаракатини тўхтатиш ва деэскалация бўйича кейинги чораларни кўриш таклифини қабул қилганини маълум қилди.
Россия Федерацияси Президентининг матбуот котиби Дмитрий Песков Пригожин Беларусга жўнаб кетишини ва жиноий иш тўхтатилишини айтди. 27 июнь куни Лукашенко Пригожиннинг Беларус ҳудудига келганини тасдиқлади. Ҳозирда «Вагнер» Белорус ҳудудида ҳарбий лагерь қурмоқда.
