title

Сўнгги янгиликлар

13:30 / 2025-10-15 359

Ёмғир керак: Табиат ва инсон ўртасидаги мувозанат издан чиқмоқда

13:19 / 2025-10-15 365

Президент Мирзиёев Саудия Арабистони делегациясини қабул қилади ва “Янги Тошкент” аэропорти қурилишига старт беради

13:03 / 2025-10-15 344

Каппадокия 17-19 октябрда “Salomon Cappadocia Ultra-Trail” югуриш пойгасига мезбонлик қилади

12:45 / 2025-10-13 414

Ўзбекистон павильони Осака EXPO–2025 кўргазмасида олтин медалга сазовор бўлди

09:32 / 2025-10-09 612

Ўртаҳисар “Дунёнинг энг гўзал 50 қишлоғи” рўйхатига киритилди

21:13 / 2025-10-08 623

Қора денгиз: яшил гўзаллик ва шифобахш булоқлар маскани

03:19 / 2025-10-05 885

Замонавий сулола: Хитойдаги «МИНГ» ҳукмронлиги тугатилди

03:44 / 2025-09-26 1055

Марғилонда аҳолига сотилган арзон уйлар: имтиёзми ёки тузоқ?

22:08 / 2023-03-02 607 0 Жамият

Куала-Лумпур марказидаги LED экранларда Ўзбекистон туристик салоҳиятига оид видеолар намойиш этилмоқда — Маданият ва туризм вазирлиги

Ўзбекистон малайзияликлар томонидан янги туристик йўналиш сифатида қабул қилинмоқда.

Малайзиянинг Куала-Лумпур шаҳри марказий кўчаларидаги LED-экранларда Ўзбекистоннинг сайёҳлик салоҳиятига оид видеороликлар намойиш этилмоқда. Бу ҳақда Маданият ва туризм вазирлиги матбуот хизмати хабар бермоқда.

Маълум қилинишича, айни дамда Малайзияда бўлиб турган Маданият ва Туризм вазирлиги делегацияси у ерда “Ramsel Media Cdn. Bhd” агентлиги вакиллари билан учрашди.

Ўзбекистоннинг Куала-Лумпур шаҳридаги элчихонаси ҳамкорлигида ташкил этилган учрашувда юртимизнинг маданий ва туризм салоҳиятини ҳамда 1 мартдан фаолиятини бошлайдиган “Ўзбекистон – Ислом цивилизацияси маркази” халқаро фотокўргазмасини Малайзияда кенг тарғиб этиш масалалари муҳокама қилинди.

Таъкидлаш жоизки, учрашув давомида Ўзбекистонда маданият ва туризм соҳасига давлат раҳбари даражасида эътибор берилаётгани ҳамда сўнгги йилларда олиб борилган ислоҳотлар ва уларнинг натижаларига доир маълумотлар берилди.

Шунингдек, бугунги кунда ушбу ислоҳотларнинг мантиқий давоми сифатида юртимизни хорижий давлатларда кўпроқ танитиш мақсадида маданий ва туризм салоҳиятини тарғиб этиш масаласи долзарб бўлиб қолаётгани айтиб ўтилди.

Бундан ташқари, “Ramsel Media Cdn. Bhd” агентлиги раҳбарияти томонидан Малайзия миқёсида мавжуд реклама жойлари (LED экран, билбоард ва баннерлар) ҳамда бугунги кунга қадар Ҳиндистон, Покистон, Австралия ва бошқа қатор давлатлар томонидан берилган реклама акциялари ҳақида тақдимот намойиш этилди.

Ўз навбатида, Ўзбекистон малайзияликлар томонидан янги туристик йўналиш сифатида қабул қилинаётгани алоҳида таъкидланди.