Сўнгги янгиликлар
«Ўқитувчиларга имтиёзли автокредит орқали автомобилларни сотишга тайёрмиз» – «Ўзавтосаноат»
Айдар–Арнасой кўллар тизими – кимнинг тизгинида?
ССП раиси ўринбосари Нодира Шотурсунова Наманганда фаол ва ташаббускор аёл тадбиркорлар билан учрашди
Сторителлинг ва мутолаанинг инсон ривожидаги ўрни...
Парламентда Нукус воқеалари бўйича тузилган комиссия ахбороти тингланди
Навоийга Монголиядан 1000 бошга яқин Баят зотига мансуб қўйлар олиб келинди
Фаоллар айтаётган “иқтидор” эгаси оддий “Виртуал валютачи” бўлган...
Рустам Минниханов бошчилигидаги Татаристон делегацияси Навоий вилоятига ташриф буюрди
«Ўзбекистон Польша билан маданият ва туризм соҳасида ҳамкорликни кучайтиради» — Озодбек Назарбеков
Польша ўзбекистонлик ёшларнинг бакалавр, магистр ва докторантура босқичларида таҳсил олишлари учун стипендия дастурлари, таълим грантлари ажратиши кутилмоқда.
Маданият ва туризм вазири Озодбек Назарбеков Польшанинг Ўзбекистондаги Фавқулодда ва Мухтор элчиси Радослав Грук билан учрашди.
Мулоқот чоғида Ўзбекистон ва Польша ўртасида маданият ва туризм соҳаларидаги ҳамкорликни ривожлантириш истиқболлари, шунингдек, жорий йилнинг кузида Урганч шаҳрида туғилган Полша халқ артисти Анна Герман хотирасига бағишланган концерт дастурини юқори савияда ўтказиш масалалари юзасидан фикр-мулоҳазалар алмашилган.
Бундан ташқари, икки томонлама ҳамкорликни кенгайтириш доирасида маданият ва санъат соҳасида ноу-хау лойиҳаларни амалга ошириш, маданият муассасаларига замонавий маркетинг тизимини киритиш ҳамда маданий хизмат кўрсатишни янада ривожлантириш лойиҳаларига Польша инвесторларини жалб қилиш юзасидан таклифлар илгари сурилган.
Шунингдек, маданият, санъат ва туризм йўналишидаги олий таълим муассасаларининг ўзаро ҳамкорлигини йўлга қўйиш, ўзбекистонлик ёшларнинг бакалавр, магистр ва докторантура босқичларида таҳсил олишлари учун Польша стипендия дастурлари, таълим грантлари ажратиш масалалари ҳам музокара марказида бўлди.
Бундан ташқари, учрашув давомида 2023 йилда Ўзбекистонда ўтказиладиган халқаро фестивалларда Польша вакиллари иштирокини таъминлаш борасидаги муҳим жиҳатларни ҳам белгилаб олинган.
“Элчи жаноблари билдирилган таклифларни қўллаб-қувватлаш ҳар икки томон учун ҳам манфаатли бўлишини алоҳида таъкидлади. Учрашув якунида эса мавжуд маданият ва туризм олий ўқув юртлари, халқаро фестиваллар тўғрисида ўзаро маълумот алмашишга келишиб олинди”, — деб ёзади Назарбеков.
.jpg)