Сўнгги янгиликлар
Тошкентдаги кўчалардан бири 1 ойга ёпилди
Истанбулдан Тошкентга учган самолётда чақалоқ дунёга келди
Наманганда халқаро террористик ташкилот тарафдорлари фош этилди
Канада ва Германиядан ҳам яхшироқ: Ўзбекистон хавфсизлик даражаси бўйича юқори натижани қайд этди
Пластик карта орқали пора олган божхона инспекторига жиноят иши қўзғатилди
«UzAuto Motors» АЖдан мижозлар учун янгилик
Туркия ва Ўзбекистон ўртасида туризм соҳасидаги ҳамкорлик янги босқичга чиқмоқда
Саида Мирзиёевада янги ваколатлар
Ҳиндистон Сурияга 23 тоннадан ортиқ гуманитар ёрдам етказиб берди
Сурияга ёрдам Ҳиндистон расмийларининг “Дўст” деб номланган операцияси доирасида кўрсатилмоқда.
Ҳиндистон якшанба куни зилзиладан жабр кўрган Сурияга 23 тоннадан ортиқ гуманитар ёрдам етказиб берди. Бу ҳақда Ҳиндистон ташқи ишлар вазирлиги расмий вакили Ариндам Багчи маълум қилди.
“Дўст” операциясининг еттинчи рейси Сурияга 23 тоннадан ортиқ инсонпарварлик ёрдами, жумладан, генераторлар, қуёш лампалари, зарурий ёрдам дори-дармонлари, табиий офатдан халос бўлиш воситалари билан етиб келди”, — деб ёзди Багчи Twitter’даги саҳифасида.
Юкни Дамашқ аэропортида маҳаллий маъмурият ва атроф-муҳитни муҳофаза қилиш вазири ўринбосари Мутаз Дуажи кутиб олди.
Шундан сўнг, дипломатнинг сўзларига кўра, Ҳиндистон ҳарбий-ҳаво кучларининг самолёти табиий офат зонасида ишлаётган ҳиндистонлик қутқарувчилар учун зарур тиббий асбоб-ускуналар, дори-дармонлар ва бошқа материалларни етказиб бериш учун Туркияга учган.
Аввалроқ Ҳиндистон ташқи ишлар вазири ўринбосари Санжай Верма Сурияга ёрдам кўрсатилишини изоҳлар экан, “геостратегик муаммоларни четга суриб қўйиш” ва Ҳиндистон G20 раислигининг “Бир ер, бир оила, бир келажак” шиорига амал қилишга чақирган эди.
Унинг сўзларига кўра, ҳозирда инқирознинг санкциялар қамраб ололмайдиган гуманитар жиҳатларига эътибор қаратиш зарур. Нью-Деҳли фалокатдан бир неча соат ичида Сурия ва Туркияга ёрдам бериш учун “Дўст” операциясини бошлади.
У ерда жами 250 дан ортиқ ҳинд мутахассислари бор. Туркияга 135 тоннадан ортиқ гуманитар юк етказилди. Ҳиндистон аввалроқ Сурияга олти тонна фавқулодда ёрдам бўлган самолёт жўнатган эди.
