Сўнгги янгиликлар
Пластик карта орқали пора олган божхона инспекторига жиноят иши қўзғатилди
«UzAuto Motors» АЖдан мижозлар учун янгилик
Туркия ва Ўзбекистон ўртасида туризм соҳасидаги ҳамкорлик янги босқичга чиқмоқда
Саида Мирзиёевада янги ваколатлар
Ўзбекистонда доллар курси яна пастлади
Қашқадарёда дарёга чўмилиш учун борган аёллар чўкиб кетди
Қорақалпоғистондаги туманда жазирама сабаб боғчалар ёпилди
Анталия соҳилларида ҳалокатга учраган 2000 йиллик кемадан ноёб тарихий ашёлар топилди
«Бундай қилманглар бу ҳаром» — Туркиялик отахон «мородёрлар»ни тўхтатиб қолди
Эрдоған мородёларлик билан шуғулланаётган шахсларни тўхтатиш бўйича чоралар кўрилишини маълум қилди.
Қидирув-қутқарув гуруҳлари зилзила оқибатида вайроналар остида қолган одамларни қутқариш учун бор имкониятларини ишга солаётган бир пайтда, фожиадан пул ишлашга уринаётган одамлар ҳам йўқ эмас.
Haber телеканали хабарига кўра, Туркия кўчалардан бирида бир гуруҳ ёшлар турар-жой биносининг биринчи қаватидаги ташландиқ бозордан маҳсулотлар олиб кетаётган эди.
Нуроний отахон уларнинг қилаётган ишини қоралаб, ёшларни бу ишдан қайтаришга уринди. “Бундай қилманглар, бу ҳаром”, деди. Улар олиб кетган пакетларни олиб, ерга ташлади.
Президент Эрдоған бугун зилзиладан жабр кўрган вилоятлардан бири Газиантепга қилган ташрифи чоғида талончилик фактларини ҳам маълум қилди.
“Афсуски, айрим жойларда, бозор ва савдо марказларида талон-тарож қилиш ҳолатлари учраб турибди. Парламентдаги бугунги овоз беришдан сўнг кучга кирадиган фавқулодда ҳолат тўғрисидаги қонун давлатга талончилик ва талончилик уринишларини тўхтатиш ваколатини беради”, — дея таъкидлади Туркия раҳбари.
Аввалроқ Туркия президенти мамлакатнинг эпицентри Қаҳраманмараш вилоятида бўлган вайронагарчиликли зилзилалардан жабр кўрган ўнта вилоятида уч ойлик фавқулодда ҳолат (фавқулодда ҳолат) жорий этилишини маълум қилганди. Президент фармонига кўра, фавқулодда ҳолат 3 ой муддатга амал қилади. Туркиядаги зилзила қурбонлари сони 16 170 кишига етди, 64 194 киши жароҳат олди
