Сўнгги янгиликлар
Туркияда “Тунги музейлар” лойиҳаси июнь ойида янги мавсумини бошлайди
Ўзбекистонга C гепатитига қарши дорининг жорий йилдаги илк партияси олиб келинди
Қибрайликлар оёққа турди. Сабаби нима?
5 минг йиллик тарихга эга Бирги қишлоғи ҳақида нималар маълум?
Изник: насронийликнинг тирик музейи
Анталиянинг яширин хазиналари ҳақида эшитганмисиз?
Анқара замонавий меъморий мероси билан ЮНEСКО рўйхатига киритилди
Хитойда сунъий ёмғир ёғдириш бўйича тажриба ўтказилди
Ўзбекистондан Туркияга 71 нафар қутқарувчилар ва гуманитар ёрдам жўнатилди
Ўзбекистондан борган қутқарувчилар томонидан 13 нафар жароҳатланган ва 38 нафар ҳалок бўлганлар вайроналар остидан олиб чиқилди.
Ўзбекистон Республикаси Президенти Шавкат Мирзиёевнинг топшириғига биноан мамлакатимиз махсус борти ҳалокатли зилзилалар натижасида жабрланганларга шошилинч ёрдам кўрсатиш мақсадида Газиянтеп шаҳрига (Туркия) етиб келди, дея хабар бермоқда Ташқи ишлар вазирлиги.
Маълум бўлишича, бортда умумий сони 71 кишидан иборат қўшимча қидирув-қутқарув ва тиббиёт ходимлари гуруҳи билан бир қаторда, навбатдаги гуманитар ёрдам партияси ҳам етказилди.
“Жабрланганларга ёрдам бериш мақсадида Мудофаа вазирлиги тиббий отрядининг 50 нафар ходими хизмат қиладиган бир гектар майдонга тўққизта алоҳида бўлинмадан иборат кўчма шифохона мажмуасини жойлаштириш режалаштирилган.
Ушбу дала шифохонаси Ўзбекистондан келтирилган барча зарур тиббий асбоб-ускуналар ва дори-дармонлар билан тўлиқ таъминланади”, — дейилади хабарда.
Қайд этиш жоиз, Ўзбекистондан борган қутқарувчилар томонидан 13 нафар жароҳатланган ва 38 нафар ҳалок бўлганлар вайроналар остидан олиб чиқилди.
Охирги маълумотларга кўра, Туркияда зилзила қурбонлари сони 12 873 кишига етди, 62 937 киши жароҳат олди.
